Í sinni myndlist hefur Þórdís aðallega fengist við ljósmyndun á meðan Ingunn hefur unnið málverk og innsetningar, en báðar hafa þær unnið út frá miðlunum sjálfum á rannsakandi hátt og leitast við að finna á þeim nýja fleti. Ólíkir bakgrunnar þeirra mætast í verkum Hugsteypunnar þar sem efnistökin geta verið allt frá hugleiðingum um listasöguna og eðli myndlistar til kíminnar notkunnar á viðurkenndum aðferðum rannsókna til að vinna myndlistarverk þar sem útkoman er alltaf fagurfræðileg og frjáls eftir því. Þar sem verk Hugsteypunnar eru afrakstur samtals milli þessara tveggja listamanna geta þau oft átt sér langan aðdraganda. Verkin eru unnin í ýmsa miðla, þó oftast í formi margþættra innsetninga.

Sýning Hugsteypunnar í Gallerí Ágúst: SVIÐSETT.

www.hugsteypan.com

Hugsteypan

17. nóvember – 22. desember, 2012

Hugsteypan opnaði sýningu sína SVIÐSETT í Gallerí Ágúst laugardaginn 17. nóvember. Á sýningunni sýnir Hugsteypan ný verk, ljósmyndaseríuna Sviðsett málverk þar sem samband málverks og ljósmynda er kannað. Unnin eru málverk til þess eins að mynda þau þar sem ákveðið augnablik í málverkunum er fest á filmu. Verkin skilja eftir spurninguna um hvar hið eiginlega listaverk sé að finna, í fyrirmyndinni eða eftirmyndinni. Sýningartexta ritaði Markús Þór Andrésson.

Hugsteypan er samstarfsverkefni Ingunnar Fjólu Ingþórsdóttur (f. 1976) og Þórdísar Jóhannesdóttur (f. 1979). Þær útskrifuðust báðar úr myndlistardeild Listaháskóla Íslands árið 2007. Áður hafði Ingunn lokið B.A. prófi í listasögu, en Þórdís lauk kennsluréttindanámi árið 2009. Síðastliðin ár hafa Ingunn og Þórdís starfað jöfnum höndum saman undir merkjum Hugsteypunnar og í sitt hvoru lagi við eigin myndlistarverkefni. Sem Hugsteypan hafa þær tekið þátt í fjölda sýninga t.a.m. í Hafnarborg, Kling & Bang gallerí, Listasafni Árnesinga, og Listasal Mosfellsbæjar auk nokkurra samsýninga erlendis. Hugsteypan hefur hlotið styrki frá Kynningarmiðstöð íslenskrar myndlistar, SÍM og Myndstef auk þess sem Ingunn og Þórdís hafa báðar fengið úthlutun úr launasjóði myndlistarmanna.

Í sinni myndlist hefur Þórdís aðallega fengist við ljósmyndun á meðan Ingunn hefur unnið málverk og innsetningar, en báðar hafa þær unnið út frá miðlun um sjálfum á rannsakandi hátt og leitast við að finna á þeim nýja fleti. Ólíkir bakgrunnar þeirra mætast í verkum Hugsteypunnar þar sem efnistökin geta verið allt frá hugleiðingum um listasöguna og eðli myndlistar til kíminnar notkunnar á viðurkenndum aðferðum rannsókna til að vinna myndlistarverk þar sem útkoman er alltaf fagurfræðileg og frjáls eftir því. Þar sem verk Hugsteypunnar eru afrakstur samtals milli þessara tveggja listamanna geta þau oft átt sér langan aðdraganda. Verkin eru unnin í ýmsa miðla, þó oftast í formi margþættra innsetninga.

Í galleríinu liggur frammi bók  þar sem má sjá allar myndirnar í seríunni en þær eru alls 29.  Athugið að aðeins eitt eintak verður gert af hverri ljósmynd.

Sýning hans Þrír staðir opnaði í Gallerí Ágúst 6. október, 2012.

6. október – 11. nóvember, 2012

Þrír staðir - yfirlit.

Á sýningunni Þrír staðir eru ný málverk Sigtryggs sem hann hefur unnið upp úr þremur ljósmyndum teknum af vatni á ólíkum stöðum.  Verkin eru unnin með olíu á striga og vatnslit á pappír.  Málverkið hefur verið sá miðill sem Sigtryggur hefur unnið langmest með og síðasta áratuginn hafa málverk unnin út frá vatnsflötum, sérílagi straumvatni verið nánast einráð. Í verkum sínum hefur Sigtryggur reynt að höndla hið síkvika eðli uppbyggingar náttúrunnar sem endurspeglast svo vel í rennandi vatni þar sem samfundur höfuðaflanna: ljóss, vatns, jarðar og þyngdarafls skapar kjöraðstæður til skoðunnar á uppbyggingu heimssins.

Á sýningunni eru verk sem ég hef unnið upp úr þremur ljósmyndum teknum af vatni á ólíkum stöðum.  Verkin eru unnin með olíu á striga og vatnslit á pappír.

Við Font á Langanesi hamast brimaldan eins og eilífðarvél.  Hvítfyssið, öldudalir og toppar mynda þar ævintýralegt net sem mér finnst fengur af,  í þeirri viðleitni minni  að höndla  síkvikt eðli uppbyggingar náttúrunnar og enduvarpa því í verkum mínum. Í þessu neti myndast spenna milli reglufasts takts, og lífrænni hljóma sem nálgast það fígúratífa.

Það vantar heldur ekki vinnusemina í Jökulsá á Fjöllum, hún nagar og gnagar endalaust.   Í nóvember 2011 sýndi ég afrakstur af mikilli vinnu við að mála þetta grugguga fljót og leið kannski einna helst eins og rekaldi á eftir,  sem hafði flotið með ánni smáspöl, frekar en að ég hefði eitthvað botnað í ánni.  Sem málari upplifði ég þetta samflot sem einvígi við grámann.  Verkin hér á sýningunni af Jökulsá eru tilraun til þess að draga litina upp úr grárri móðunni, þétta þá, styrkja og hreinsa og kalla þá sál eða kjarna.

Miklu tíðindaminna var við fallegan hyl í smálæk á Barðaströnd í sumar, ekkert að gerast. Skýjahula með örlitlum bletti af heiðríkju hylur næstum því grágrænt dýpið.  Heildin einhvernvegin silfruð.  Þessu reyni ég að koma til skila í olíumálverkinu en matreiði léttkryddaða litina, sem ég fiskaði úr hylnum, í röndóttri vatnslitamynd.

Sigtryggur Bjarni Baldvinsson,  september 2012

Harpa Dögg Kjartansdóttir

Valgerður Guðlaugsdóttir

Laugardaginn 18. ágúst fagnaði Gallerí Ágúst 5 ára starfsafmæli sínu. Í tilefni af þessum áfanga var sett upp óvenjuleg sýning í galleríinu sem er sérstaklega unnin fyrir rými gallerísins.  Þrjár listakonur hafa unnið verk sín beint á veggi gallerísins og hafa veggmyndirnar  verið myndaðar og prentaðar í takmörkuðu upplagi. Veggspjöldin verða númeruð og undirrituð af hverjum listamanni. Listakonurnar eru ólíkar og nálgast verkefnið hver á sinn hátt en þær eru Anna Hallin, Harpa Dögg Kjartansdóttir og Valgerður Guðlaugsdóttir. Sýningin MYNDBREYTING er mjög sértakt verkefni sem markar mikilvæg tímamót hjá galleríinu.

1. september er útgáfudagur veggspjaldanna sem verða til sölu hjá Gallerí Ágúst.

Anna Hallin (f.1965) lauk MFA prófi frá keramíkdeild Háskólans í Gautaborg árið 1990 og var gestanemandi við Myndlista- og handíðaskóla Íslands 1988-1989. Hún lauk MFA prófi í Studio Arts frá Mills College í Oakland árið 1996. Anna hefur verið iðin við sýningarhald bæði hér á landi sem erlendis en af nýlegum sýningum hennar má nefna Sæborgin: Kynjaverur og ókindur í Gerðasafni 2012, GÁRUR í Kling og Bang í samstarfi við Olgu Bergman árið 2011 og The Art Nurses –Spor í Listasafni ASÍ árið 2010. Hún hefur hlotið fjölda styrkja og verðlauna fyrir myndsköpun sína, hérlendis og erlendis. Verk hennar eru í eigu helstu listasafna á Íslandi.

Harpa Dögg Kjartansdóttir (f.1982) útskrifaðist frá myndlistardeild Listaháskóla Íslands árið 2007 og lauk kennsluréttindum frá sama skóla vorið 2009. Hún hefur verið virk í listsköpun sinni og tekið þátt í fjölda sýninga víða um land sem og erlendis. Af nýlegum verkefnum hennar má nefna samsýningu í Galerie BergmanBerglind í Luxemborg þar sem fyrirhuguð er einkasýning hennar í desember 2012 og sýningin Tilbúningur í Gallerí ágúst 2011. Harpa hefur einnig unnið að sýningarstjórnun og leikmyndahönnun. Hún vinnur verk sín með blandaðri tækni og í ólíka miðla s.s. klippimyndir, innsetningar, myndbandsverk og ljósmyndir.

Valgerður Guðlaugsdóttir fæddist í Reykjavík árið 1970.  Snemma að árum stundaði hún myndlistarnám í kvöldskólum og í framhaldsskóla valdi hún listabraut.  Hún útskrifaðist frá skúlptúrdeild í Myndlista- og handíðaskólans árið 1994 og hélt til framhaldsnáms í Academy of Fine Art í Helsinki, Finnlandi.  Valgerður hefur haldið einkasýningar reglulega síðan hún útskrifaðist úr skóla og hefur tekið þátt í mörgum samsýningum bæði á Íslandi og erlendis.  Frá árinu 1999 og til ársins 2001 stofnaði hún og rak galleríið Gallerí Hlemmur ásamt Þóru Þórisdóttur. Valgerður hefur unnið til verðlauna fyrir liststarfsemi sína bæði í skóla og eftir að honum lauk og hefur fengið ýmsa styrki til að vinna að list sinni.  Verk hennar eru í öllum helstu opinberu listaverkasöfnum á Íslandi.

Sýning Rósu Gísladóttur í Gallerí Ágúst, ÓTTI VIÐ ÓVINI FRAMTÍÐARINNAR stóð yfir 10. desember – 22. janúar, 2011.

Helgi Þórsson

Sigtryggur Berg Sigmarsson

26. maí – 15. júlí, 2012

KOSMÍSKIR FLETIR ANDANNA er samsýning þriggja samtímamálara sem hafa verið nokkuð áberandi undanfarin ár. Þeir Davíð Örn Halldórsson, Helgi Þórsson og Sigtryggur Berg Sigmarsson sýna saman í Gallerí Ágúst og er sýningin verulega  kraftmikil eins og ætla má af þeim félögum.  Allir hafa þeir sinnt málaralistinni af mikilli elju og verið duglegir við sýningarhald bæði á Íslandi sem erlendis. Sýning þeirra opnaði laugardaginn 26. maí og ritaði Kristín Ómarsdóttir rithöfundur og leikskáld sýningartexta.

Það rignir: misþungir dropar renna í taumum og falla stakir margir saman og lenda með mismjúkum dunki niður á stéttina, göturnar, þökin, gulir, bleikir, rauðir, appelsínugulir, grænir – grænt regn fellur ofan í brunn sem samanstendur af lófa barns, það stendur undir þakrennu og hlustar á dropana detta ofan á hettu pollagallans.

Gult regn, bleikir dropar, rauðir, appelsínugulir, svartir renna niður þakið, snúast í kringum rennuna og niður í pollinn sem safnast í upp við húsið og barnið stígur upp úr.

(Brot úr sýningartexta Kristínar Ómarsdóttur.)

Í verkum sínum teflir Helgi gjarnan saman margskonar efniviði, fundnum hlutum sem taka breytingum í meðförum hans, málverkum, höggmyndum og hljóði. Verk Helga fjalla um hið fjarstæðukennda, hann hefur einstaka, undurfurðulega og um leið heimilislega og afslappaða nálgun í verkum sínum,  mörk á milli einstakra verka verða oft óljós og samsetning þeirra rennur í eina heild.

Harpa Dögg við verk sín í Gallerí Ágúst.

Harpa Dögg Kjartansdóttir tekur nú þátt í sýningu í Bergman Berglind Contemporary Art í Luxembourg en samsýning þriggja listamanna opnar þar laugardaginn 28. apríl  kl. 17. Listamennirnir eru Harpa Dögg Kjartansdóttir frá Reykjavík, Thomas Lucker frá Berlín og Alexander Adams frá Englandi en hann býr og starfar í Berlín.  Bergman Berglind er metnaðarfullt ungt gallerí sem sýnir verk eftir unga og upprennandi listamenn í alþjóðlegu samhengi. Galleríið er í samstarfi við Gallery Helga Maria Bischoff í Berlin.  Stofnendur gallerísins eru þau Michael Bergman frá Svíþjóð og Berglind Sigurðardóttir frá Íslandi en þau hafa búið og starfað í Lúxemborg í 12 ár.

Harpa Dögg Kjartansdóttir (f. 1982) útskrifaðist frá myndlistardeild Listaháskóla Íslands árið 2007 og lauk kennsluréttindum frá sama skóla vorið 2009. Hún hefur verið virk í listsköpun sinni og tekið þátt í fjölda sýninga víða um land og erlendis. Hún hefur bæði haft frumkvæði að því að skipuleggja sýningar og tekið þátt í sýningum sem henni hefur verið boðin þátttaka í, auk þess sem hún hefur einnig unnið að sýningarstjórnun og leikmyndahönnun.

Harpa Dögg sýndi verk sín í Gallerí Ágúst vorið 2011 ásamt Ragnhildi Jóhannsdóttur og á sumarsýningu gallerísins sama ár. Hér má nálgast nánari upplýsingar um Hörpu Dögg.

Hér má sjá nánari upplýsingar um sýningu Hörpu og Ragnhildar.

21. apríl – 20. maí, 2012

ML2502.2008

Laugardaginn 21. apríl opnaði einkasýning listakonunnar Þórdísar Jóhannesdóttur í Gallerí Ágúst. Þórdís útskrifaðist úr myndlistardeild Listaháskóla Íslands árið 2007 og hefur síðan þá tekið þátt í fjölda sýninga hérlendis og erlendis. Þórdís vinnur aðallega með ljósmyndir sem hún setur gjarnan fram á óhefðbundinn hátt. Skömmu eftir útskrift úr LHÍ hóf Þórdís samstarf við Ingunni F. Ingþórsdóttur. Saman mynda þær teymið Hugsteypuna sem sýndi fyrst árið 2008. Síðan þá hafa þær tekið þátt í fjölda sýninga undir merkjum Hugsteypunnar. Þá var Þórdís annar tveggja sýningastjóra sýningarinnar Minjar -myndlistin í náttúrunni, náttúran í myndlistinni sem haldin var í Náttúrufræðistofu Kópavogs árið 2008 hvar myndlistarverkum var stefnt saman við safngripi náttúrufræðistofunnar.

Á sýniningunni Unz í Gallerí Ágúst sýnir Þórdís innsetningu ljósmynda sem við fyrstu sýn virðast frekar hefðbundnar og margir kynnu að halda að um samsettar myndir væri að ræða en svo er ekki. Augnablikið er oft erfitt að staðsetja sem gefur myndunum óraunverulegan blæ. Ljósmyndir Þórdísar eru ljóðrænar og kallast hver á við aðra. Þessi föngun tveggja eða fleiri heima / augnablika reynir á áhorfandann sem þarf að púsla brotunum  saman við sitt minni.

25. febrúar – 15. apríl, 2012

MANNGERÐIR - Yfirlit

Athugið að sýninginn MANNGERÐIR hefur verið framlengd til 15. apríl. Verið velkomin.

Laugardaginn 25. febrúar opnaði í Gallerí Ágúst einkasýning Ragnars  Þórissonar. Ragnar (f.1977) býr og starfar í Reykjavík. Hann nam við Myndlistaskóla Reykjavíkur 2006-2007 og útskrifaðist frá Listaháskóla Íslands vorið 2010 og hefur síðan unnið að myndlist sinni og aðallega sinnt málverkinu.  Hann tók þátt í sýningunni Sýnilegt myrkur í Hugmyndahúsi HÍ árið 2010 en sýningin MANNGERÐIR í Gallerí Ágúst er fyrsta einkasýning hans. Undanfarin misseri hefur hann unnið að sköpun þeirra málverka sem nú eru til sýnis í Gallerí Ágúst. Ragnar vinnur með hefðbundin efni listmálarans, notar olíumálningu á striga og málar gjarnan á stóra fleti. Litanotkun hans er dulúðug og dregur áhorfandann að málverkunum, nær persónunum sem í þeim lifa.

Múrinn, 2011

Guðrún Kristjánsdóttir heldur fyrirlestur í Gallerí Ágúst laugardaginn 3. desember kl. 16.00.

Nýlega vann listakonan Guðrún Kristjánsdóttir að stóru útilistaverki í Peking í Kína, ásamt sex listnemum úr Listakademíu Pekingborgar. Verkið nefnist Múrinn (The Wall) og er gert úr íslenskri eldfjallaösku og kínverskum glerbrotum. Er hann hluti af NOTCH11 listahátíðinni í Peking sem er samnorræn-kínversk menningarhátíð á sviði lista og hönnunar. Guðrúnu var boðið að taka þátt í hátíðinni í kjölfar vel heppnaðrar innsetningar hennar í lista- og hönnunarhverfi Pekingborgar á síðasta ári. Þema hátíðarinnar að þessu sinni var skapandi endurvinnsla / viðbragð.

Múrinn er unninn með ösku annarsvegar sem tákn um úrgangsefni af náttúrunnar hendi og gleri hinsvegar sem úrgangsefni nútímasamfélaga. Askan úr nýlegu eldgosi á Íslandi en glerið úr hverfinu sem verkið er sett upp í.  Á múrvegg rétt sunnan við Torg hins himneska friðar mynda nú glerbrotin bráðnandi og sindrandi snjóform í svartri öskuhlíð.

Mikil vinna lá að baki uppsetningu verksins og ýmsar hindranir mættu Guðrúnu þegar komið var á staðinn. Hún kynntist framúrskarandi nemendum akademíunnar og hélt fyrirlestra og fræðslu fyrir þá. Verkið hefur vakið gríðarlega mikla athygli og mun standa um ókomna framtíð á þessum óvenjulega stað í miðborg Peking.

Laugardaginn 3. desember kl. 16.00 ætlar Guðrún að halda fyrirlestur um aðdraganda, undirbúning og vinnu við uppsetningu listaverksins, sýna myndir og koma með sýnishorn af efninu sem notað var í verkið. Allir eru hjartanlega velkomnir í Gallerí Ágúst að heyra af þessu mikla ævintýri listakonunnar í Kína.

Ótti við óvini framtíðarinnar (hluti).

Rósa Gísladóttir

10. desember, 2011 – 22. janúar, 2012

Óhætt er að segja að Gallerí Ágúst verði upplýst í desember og janúar. Listaverk eftir Rósu Gísladóttur myndhöggvara, verður í hásæti í sýningarrýminu og mun lýsa upp umhverfið í svartasta skammdeginu. Verkið var sýnt í Róm árið 2009 á einkasýningu Rósu í Galeria 196 sem bar heitið Looking at the overlooked. Í texta sem Ólafur Gíslason listfræðingur skrifaði af því tilefni segir m.a: Það er íslensk listakona, Rósa Gísladóttir (f. 1957), sem vekur okkur upp af draumum um leifar hins liðna með því að sýna okkur leifar samtímans í þessu úthugsaða formi: kjarni sýningarinnar  súla sem ljómar í óteljandi litbrigðum frá sterkum innri ljósgjafa og skapar töfraslungið umhverfi: “Ótti við óvini framtíðarinnar er yfirsterkari gleði minni yfir samtímanum” er nafnið á þessari súlu og er tilvitnun í Elísabetu I. Englandsdrottningu. Upplýstar glærar plastflöskur, sumar með lituðum vökva, vekja vissulega til lífsins draumkennd form og litbrigði með úthugsaðri framsetningu sinni,  en eru um leið vitnisburður um hinn hráa veruleika neyslusamfélags samtímans sem í ofgnótt sinni hleður upp óforgengilegum leifum í margfalt meira magni en dæmi eru um í samanlagðri menningarsögunni.

Rósa Gísladóttir nam myndlist við Myndlista-og handíðaskóla Íslands á árunum 1977-1981 og lauk diplómanámi úr skúlptúrdeild Akademie der Bildenden Künste í München árið 1986. Í Manchester Metropolitan University tók Rósa M.A. próf í Art as Environment árið 2002. Hún hefur hlotið fjölda viðurkenninga og styrkja og eru verk hennar í eigu listasafna og einkaaðila. Rósa hefur sýnt verk sín víða um heim en undanfarið hefur hún mest sýnt á Ítalíu og er framundan hjá henni stór sýning í Róm sumarið 2012, sem nú er í undirbúningi.

Listaverkið sem ég kalla “The doubt of future foes exiles my present joy” (“Ótti við óvini framtíðarinnar er yfirsterkari gleði minni yfir samtímanum”) og er nú til sýnis í Gallerí Ágúst, gerði ég upphaflega fyrir sýningu í Róm í febrúar 2009. Þessi orð eru byrjun á kvæði eftir Elísabetu I. Englandsdrottningu en ég nota þau til að lýsa ótta mínum við þá mengun sem er afleiðing velferðarþjóðfélags okkar. Velferð okkar í nútímanum er dýru verði keypt því að hún felur í sér umhverfisspjöll sem má líkja við óvini sem liggja í leyni í framtíðinni.

Það er oft þannig að við tökum ekki eftir því sem stendur okkur næst eða við notum mest, t. d. finnst okkur eðlilegt að kaupa og fleygja ótrúlegu magni af umbúðum, sér í lagi utan af mat og sér í lagi úr plasti. Ég hef áhuga á tvískinnungnum í þjóðfélaginu og hjá okkur sjálfum. Við hötum mengun, eyðslu og rusl, en á meðan viljum gjarnan hafa vatnsflösku (úr plasti) við hendina til að finnast við heilbrigð og flott. Plastflösku sem veldur mengun þegar hún er búin til, þegar henni er eytt og þegar hún er flutt á milli landa sneisafull af vatni.  Kannski endar hún svo út í móa – sem steingervingur framtíðarinnar?

Tvískinnungur kemur einnig fram í viðhorfi okkar til rusls – við kaupum fallega flösku af vatni, en þegar hún er tóm er hún einskis virði en er engu að síður oft fagurfræðilega vel heppnuð. Mér finnst forvitnilegt að skoða bilið á milli þess sem er einhvers virði og þess sem við metum sem rusl. Kannski erum við haldin ástar– haturssambandi við umbúðir.

Þetta listaverk er skylt verkinu Verðandi-Skuld sem ég sýndi á sýningunni Vanitas í Hafnarhúsi sumarið 2010. Urður, Verðandi og Skuld, örlaganornirnar þrjár í norrænni goðafræði, búa við Urðarbrunn sem stendur við Ask Yggdrasils.  Einu sinni á dag ausa nornirnar vatni yfir tréð sem á að forða því frá að visna. Urður er myndgervingur fortíðarinnar, Verðandi nútímans og Skuld merkir bæði ‘framtíð’ og ‘skuld’. Titill verksins vísar til þess að nútíminn, verðandi, er það sem verður núna, og framtíðin er það sem koma skal, skuld nútímans. Allt sem nútíminn tekur að láni hjá framtíðinni er í skuld komandi kynslóða. RG.

Sýning Huldu í Gallerí Ágúst árið 2008: hlutlaus. á hreyfingu

Vefsíða Huldu Stefánsdóttur

Guðrún Kristjánsdóttir

Í Kastljósi RÚV 15. september var falleg og áhugaverð umfjöllun um listakonuna Guðrúnu Kristjánsdóttur. Hér er hægt að nálgast innslagið á vef Ríkissjónvarpsins: Guðrún Kristjánsdóttir í Kastljósinu.

Um þessar mundir er Guðrún stödd í Peking í Kína þar sem hún vinnur að uppsetningu veggverks utanhúss, rétt hjá Friðartorginu sjálfu. Um leið mun Guðrún halda fyrirlestra og kenna á námskeiði með kínverskum listamönnum. Verkið verður afhjúpað seinna í þessum mánuði á Norrænni og kínverskri listahátíð. Hér má nálgast frétt á RÚV um verkið: Guðrún í Kína.

8. október – 20. nóvember

Laugardaginn 8. október opnaði einkasýning listamannsins Ragnars Jónassonar, RÆTUR.  Margir hafa beðið spenntir eftir sýningunni sem hefur verið lengi í undirbúningi. Sýningin samastendur af skúlptúrum, málverkum og ljósmyndum. Ragnar Jónasson býr og starfar í Glasgow, Skotlandi. Hann útskrifaðist frá Listaháskóla Íslands árið 2004 og lauk MFA gráðu í myndlist frá Glasgow School of Fine art árið 2008. Ragnar hefur tekið þátt í fjölda sýninga bæði á Íslandi og erlendis. Hann hefur hlotið ýmsa styrki og viðurkenningar fyrir myndlist sína, svo sem styrk úr Listasjóði Dungals, 2008, Listasjóði Guðmundu Andrésdóttur, 2006 og Sir Harry Barnes Scholarship, 2006.

Gagnrýni í Fréttablaðinu 26. október 2011

SÝNINGARTEXTI:

Hluta verkanna á þessari sýningu sýndi ég í Glasgow nýverið undir titlinum “Roots” eða rætur og tek ég titil sýningarinnar hér heima þaðan frá. Þegar ég fyrst hugsaði um titilinn var ég búinn að gera skúlptúrana og lifa með þeim í nokkrar vikur. Þeir fengu mig til að hugsa um öll þau áhrif sem ég hef orðið fyrir í æsku og kom þar sterkt inn náttúran. Ekki bara náttúran sem finnst utandyra heldur líka sú náttúra sem finnst innandyra, eins og pottablómin sem móðir mín var alltaf dugleg að koma til. Einnig var mér hugsað til leirmuna frá Glit, en þar voru gerðir ýmsir nytjahlutir, allt frá blómavösum til öskubakka og notað íslenskt hraun í gripina. Þetta er eitthvað sem margir Íslendingar þekkja og hafa lifað með í gegnum tíðina.

Ég hafði svo sem ekkert hugsað mikið um þetta áður en ég byrjaði á verkunum enda geri ég lítið af því að ákveða fyrirfram hvað ég á að gera. Finnst alltaf betra að vinna bara í gegnum hlutina og láta innsæið ráða, hitt kemur svo bara. Ég opna fyrir tilfinningarnar og læt svo verkin sjá um að tala. Auðvitað er ég með fyrirfram ákveðinn efnivið sem ég vinn með, eitthvað sem virkar táknrænt fyrir mig, en ég held að núna hafi komið fram eitthvað mjög íslenskt, eitthvað sem ég hefði getað séð heima hjá foreldrum mínum þegar ég var barn. Eitthvað sem hefði dregið mig að sér og hangið í hausnum á mér til dagsins í dag, eitthvað sem lifir í minningunni og maður býst ekkert endilega við að brjótist fram, þar sem tilfinningin er óskilgreind.  Eins datt mér í hug að þetta væri afsprengi þess að búa erlendis, en þar er maður stöðugt að átta sig betur á því hvað það er að vera Íslendingur og hvernig við sem þjóð erum ólík öðrum þjóðum. Ég held að þegar maður er erlendis þá kemur þessi vitund sterkar fram og kannski það sterkt að hún kreistist út í þessa skúlptúra sem nú standa hér á gallerígólfinu.

Á sama tíma og ég var að vinna þessa skúlptúra var ég að vinna að málverkum. Þessi málverk eru unnin á gler og eru framhald á tilraunum sem ég hef verið að gera síðustu tvö eða þrjú árin. Þetta byrjaði á einhverjum “fetishisma” á geometríska málverkinu sem  opnaðist svo í arkitektúr, litafræði, einhverskonar ljósbrot eða hugmyndasprengjur. Ég reyndi að setja þau með í sýninguna sem ég gerði í september en komst að því að þau pössuðu engan veginn inn í sama rými og ljósmyndirnar og skúlptúrarnir sem ég hafði gert. Mér fannst það nokkuð áhugavert hvernig ég hafði gert tvær sýningar á sama tíma sem áttu kannski lítið skylt við hvora aðra.

Ég hef síðar komist að því að samband þeirra er afar flókið og þar sem að þetta eru allt frekar ný verk þá er ekki allt komið upp á yfirborðið. Ég hinsvegar tók vissar ákvarðanir sem ég get deilt með ykkur núna, eins og það að gefa þeim ákveðið retró eða “kitsch” yfirbragð. Ég vildi ekki láta þetta verða að enn einu geometríumálvekinu, svona óður til fortíðar án nokkurs staðar í rauntíma. Svo uppgvötaði ég það nýverið að þetta minnti mig óneitanlega á gamlar eldhúsinnréttingar frá sjötta áratugnum þegar geimöldin átti sér stað. Þá var öll hönnun huguð að framtíðinni og sú hugsun við lýði að við myndum öll lifa á tunglinu árið 2011.

Þetta eru að vissu leiti ljósbrot framtíðar, með hugsjónum og þrám um óendanlega möguleika, rammaðir inn af samtíma sem málverkið hefur staðnað í. Og þar kemur nafnið á þessa seríu, Future/Past. Ég enda þetta svo á nýju málverki sem er gert þremur vikum áður en þessi sýning opnar, ég veit ekki alveg hvað það er, ég fíla það, það veitir mér innblástur og ég er spenntur yfir því, það er það sem þetta snýst allt um.

Ragnar Jónasson

20. ágúst – 25. september, 2011

Laugardaginn 20. ágúst opnaði Hulda Vilhjálmsdóttir einkasýningu sína í Gallerí Ágúst. Hulda er þekktust fyrir málverk sín en hún vinnur gjarnan með akrýl og olíu á striga en hefur einnig unnið í aðra miðla. Hulda útskrifaðist frá Listaháskóla Íslands vorið 2000 og hefur síðan unnið að rannsóknum sínum með málverkið að eigin sögn. Hún nam einnig mótun og keramik við Myndlistaskólann í Reykjavík og hefur unnið þrívíð verk meðfram málverkinu að undanförnu. Sýning Huldu í Gallerí Ágúst samanstendur af portrett verkum af konum sem hún hefur unnið á undanförnum árum.

Hulda Vilhjámsdóttir (1971) útskrifaðist frá málaradeild Listaháskóla Íslands árið 2000. Hún hefur sinnt málaralistinni síðan þá en viðfangsefni hennar er gjarnan náttúran, fólk og eigin tilfinningar.  Sjálf segist hún vinna að rannsóknum á málverkinu. Hulda nam nýlega keramik og mótun við Myndlistaskóla Reykjavíkur í eitt ár og hefur meðfram listmálun unnið að þrívíðum verkum. Síðan 1997 hefur Hulda haldið fjölda einkasýninga, flutt gjörninga og tekið þátt í samsýningum bæði á Íslandi og erlendis.  Einnig hefur hún m.a. skrifað kvikmyndahandrit, staðið að listamannareknum sýningarrýmum, gefið út ljóðabækur og gert bókverk. Verkum Huldu hefur verið líst sem ágengum, þau geta verið glaðleg og sláandi í senn en eru aldrei þögul eða þæg.

Í júlímánuði var sett um skemmtileg sumarsýning með verkum sem öll eru unnin á pappír af fjölbreyttum hópi listamanna. Til sýnis voru m.a. teikningar og skissur, klippimyndir og málverk, allt unnið á pappír. Listamennirnir hafa margir  sýnt áður hjá galleríinu en ný nöfn bættust við í sumarhópinn. Hér komu saman yngri listamenn og þroskaðri og sýndu breiða nálgun sína á miðilinn, pappírinn. Útkoman var fjölbreytt og hressandi sýning sem  gaf einstakt tækifæri til að skoða gullmola á pappír. Upplýsingar um verð og verk til sölu eru fáanlegar hjá galleríinu.

Harpa Dögg Kjartansdóttir

Jón Sigurpálsson

Kolbeinn Hugi

Marta María Jónsdóttir

Ragnar Jónasson

Ragnhildur Jóhanns

Rakel Bernie

Steingrímur Eyfjörð

Proximity, 2011. Ingunn Fjóla

Listamennirnir Ingunn Fjóla Ingþórsdóttir og Davíð Örn Halldórsson taka nú þátt í Tvíæringnum í Prag en hann stendur þar til í september. Voru þau viðstödd opnun tvíæringsins ásamt þriðja íslenska listamanninum Baldri Geir Bragasyni.  Taka þau þátt í flokki sem kallast Sections. Sjá nánar hér

Magnús Helgason

14. maí – 19. júní

Magnús Helgason er fæddur í Reykjavík 1977. Hann stundaði nám í myndlist á árunum 1997 -2001 í AKI (Akademie voor beeldende kunst ) í Enschede í Hollandi. Frá því að námi lauk hefur Magnús helgað krafta sína myndlist, ljósmyndun og ópraktískri kvikmyndagerð. Hann hefur haldið málverkasýningar hérlendis sem erlendis en síðasta einkasýning hans var í október 2010 í D-sal Listasafns Reykjavíkur, Hafnarhúsi. Magnús hefur sýnt kvikmyndir við tónlist ýmissa  tónlistarmanna og hljómsveita s.s. Jóhanns Jóhannssonar, Kiru Kiru og Apparat Organ Quartet og haldið þannig kvikmyndasýningar í yfir 40 borgum víða um heim. Meðal staða sem hann hefur sýnt kvikmyndir sínar á eru Pompidou í París, Kiasma í Helsinki, Konunglega listasafnið í Kaupmannahöfn og Bozar center for fine arts í Belgíu. Magnús hefur einnig kennt ópraktíska kvikmyndagerð og hreyfimyndagerð við Listaháskóla Íslands.

Verk Magnúsar einkennast af frjálsri tjáningu og sterkum litum. Hann notar oft óræðan texta og býður hann þar áhorfandanum að nálgast verkin út frá ákveðnu sjónarhorni. Magnús notar tvíræðni, absúrdisma og húmor í verkum sínum og gerir þar með ákveðnar kröfur til áhorfenda. Magnús flytur sig nú af striganum yfir á óhefbundnara efni. Nú má finna í málverkum hans gler og tré, kannski plast og stundum snæri og pappír. Verkin gætu virkað hrá og tormelt en eru sköpuð af fagurfræðilegri nálgun, með pólitískum undirtón eða fínlegri samfélagslegri ádeilu.

GUÐ BIRTIST MÉR

Guð birtist mér og gaf mér regnbogana. Hann sagði mér að koma þeim í verð.

Hann sagði mér að veðsetja þá og vekja þannig til lífsins fjármagn sem hingað til hefur legið lífvana.

Fé án hirðis.

Hann sagði mér að endurhugsa regnbogana, það væri hraðlest til hamingjunnar.

“Ég er bara lítill listmálari sem hitti Guð á förnum vegi.  Hann sagði mér að hagnast á regnboganum  og það eina sem mér datt í hug var að mála myndir af regnboganum í nokkrum mismunandi útfærslum. Og þeir eru bara fyrir mig til að hagnast á.  Allir hinir skulu fá að borga…

Þetta er auðvitað bara klassísk gagnrýni á misskiptingu auðs, sumir eiga en hinir skulu borga. En sérstaklega er þetta gagnrýni á eignarrétt á gæðum sem eru öllu lífi nauðsynleg sem enginn hefur skapað af eigin rammleik.

Í raun er ég að blanda gagnrýni á trúarbragðaumræðu og nýfrjálshyggju saman í eina súpu (enda eru þetta mér hugleikin efni).  Við mannfólkið göngum á umhverfi okkar og náttúru eins og það sé okkar heilagi réttur, eins og við eigum það og þurfum ekki að spyrja kóng eða prest. Sumir telja sig þess umkomna að selja öðrum gæði sem falla af himnum ofan eins og vatn.

Hvert okkar íbúa á vesturlöndum notar 250 til 300 tennisvelli bara undir framleiðslu okkar á mat, fatnaði og byggingarefnum.  En við hendum helmingnum af framleiðslunni beint í ruslið.  Við erum að klára gæði og þjónustu jarðarinnar á ótrúlegum met-tíma og spyrjum okkur varla að því hvort við höfum eitthvað leyfi til þess. Við göngum til verks eins og við höfum vilja guðs til þess að gera eins og okkur sýnist og þjónar okkur akkúrat núna.

Núna í dag er t.d mjög aktúal umræðan um að selja útlendingum íslenskt vatn í formi orku…hver gaf okkur þetta vatn? Hver segir að við megum taka það og selja það einhverjum öðrum?? Ekki bjuggum við það til.. “Guð bara gaf okkur það“  Og það eru ekki bara nýfrjálshyggjupésarnir sem tala fyrir vatnssölunni í dag, heldur almenn umræða.

Auðvitað eru öll þessi mál afskaplega flókin og margslungin, ég er alls ekkert á móti því í prinsippi að við Íslendingar seljum útlendingum okkar vatn.  Þess vegna er ég ofsalega feginn að vera ekki pólitíkus heldur myndlistarmaður sem hefur leyfi til að kasta fram hugleiðingabrotum og sleggjudómum án ábyrgðar og sleppi því alveg að leita lausna eða taka þátt í dægurþrasi.

Mitt mótivasjón að gera málverk er í grunninn bara ásókn í sköpun fegurðar. Sjálfsfróun (Hugarfró). En til þess að fá eitthvað bitastætt út úr minni leit að fegurðinni þarf að vera eitthvað á bakvið, einhver dýpri boðskapur, ekki predikun, heldur uppvakning spurninga og hugleiðinga. Snúa hlutunum á hvolf og sjá hvað kemur út.”

Magnús Helgason

Nánar um Magnús Helgason hér.

Ragnhildur Jóhanns

2. apríl – 7. maí, 2011

Gallerí Ágúst kynnir með stolti sýninguna TILBÚNINGUR sem samanstendur af  verkum tveggja ungra listakvenna.  Ragnhildur Jóhanns og Harpa Dögg Kjartansdóttir leiða saman verk sín í Gallerí Ágúst og opnaði sýningin laugardaginn 2. apríl.  Leika þær sér báðar með tvívídd og þrívídd, ljóð og ævintýri og nota gjarnan fundið efni í myndverkum sínum. Verk þeirra eru þó ólík og nálgast þær myndlistina á sinn hvorn mátann.

Harpa Dögg Kjartansdóttir

Harpa Dögg Kjartansdóttir (f. 1982) útskrifaðist frá myndlistardeild Listaháskóla Íslands árið 2007 og lauk kennsluréttindum frá sama skóla vorið 2009. Hún hefur verið virk í listsköpun sinni og tekið þátt í fjölda sýninga víða um land og erlendis. Hún hefur bæði haft frumkvæði að því að skipuleggja sýningar og tekið þátt í sýningum sem henni hefur verið boðin þátttaka í eins og samsýningin Crosskick sem haldin var í Kunstverein Springhornhof í Þýskalandi, sýningunni Minjar í Náttúrufræðistofu Kópavogs, Flown in í galleríinu Little Rock í Arkansas og Supermarket í Svíþjóð. Af nýlegum einkasýningum hennar má nefna Úr mynd í Gallery Crymo og Innvols í Listasal Mosfellsbæjar. Harpa hefur einnig unnið að sýningarstjórnun og leikmyndahönnun.

Harpa Dögg vinnur verk sín með blandaðri tækni og í ólíka miðla, t.d. klippimyndir, innsetningar, myndbandsverk og ljósmyndir. Hún hefur undanfarið lagt áherslu á gerð klippimynda og hefur þróað sína eigin tækni varðandi vinnslu og framsetningu. Í verkum sínum tekur hún efniviðinn úr sínu hefðbundna samhengi og gefur nýtt hlutverk. Oft er ólíkum hlutum eða andstæðum skeytt saman í eina mynd og þannig geta verkin í senn orðið súrrealísk, ljóðræn og ævintýraleg. Klippimyndirnar, sem eru fíngerðar og frásagnakenndar, hefur Harpa Dögg m.a. unnið á notaðar og útflattar málningardósir. Þá nýtir hún ólík mynstur og litbrigði efnisins sem innblástur í myndefnið og frásögn þess. Klippimyndin eða úrklipputæknin var mikið notuð af listamönnum súrrealisma og popplistar og má setja verk Hörpu Daggar í samhengi við þær stefnur. Í öðrum verkum sínum, svo sem innsetningum, hefur Harpa notað trjágreinar, rafmagnssnúrur, neonljós, pípulagnir o.fl. Með því að taka hluti í sundur og setja saman aftur og nota til þess fundið efni, á þessi nálgun Hörpu Daggar ekki síst erindi í dag á tímum offramleiðslu og sóunar.

Nánar um Hörpu Dögg hér.

Ragnhildur Jóhanns

Ragnhildur Jóhanns (f.1977) útskrifaðist með B.A gráðu frá myndlistardeild Listaháskóla Íslands árið 2010. Hún hefur unnið að myndlist og ritlist síðan þá og sýnt verk sín og framið gjörninga bæði hérlendis sem erlendis.  Nýlega tók hún t.d. þátt í upplestri með breska skáldinu Iain Sinclair í Rich Mix Art Center í London. Hún hefur komið að hinum ýmsu verkefnum tengdu starfi sínu svo sem sýningum, upplestrum og útgáfu. Á síðasta ári gaf hún út myndljóðabókina SemSé í 100 númeruðum eintökum. Ragnhildur er meðlimur í Gallerí Crymo, Nýlókórnum – hljóðljóðakórnum og fjöllistahópnum The Weird Girls project. Ragnhildur er einn stofnenda Endemi – tímarits um samtímalist  íslenskra kvenna  og situr þar í ritstjórn.

“Hversu margar leiðir eru færar í gegnum eitt einasta orð í gegnum eitt einasta roð og orðroð og roðorð það fer eftir því hversu dugleg(ur) þú ert að rýna í alla þessa strúktúra því þegar allt kemur til alls eru þær óteljandi leiðirnar en það er ekki lengur bannað að segja svart hvítt yes já non og nein eða punktur punktur komma strik hér eru bara punktar kommur og strik og tígulegir fleygbogar parabólusetningar og út úr bókverkinu ljóðinu skríða tígulegir fleygbogar einsog hortugir iðandi ánamaðkar sem ulla á heimsendastemninguna utan við bókarglugga ulla tælandi sleiktu mig sleiktu mig sleiktu mig upp til skýja því að lesa er einsog að taka þátt í kynsvalli nema mamma þín mun ekki skammast sín fyrir þig og þú færð ekki sárasótt og þarft ekki að fara í sturtu fyrst en það er því miður enginn að fara að borga þér fyrir að gera það í beinni útsendingu á internetinu (á meðan þú gleymir því ekki að hvert einasta tákn er lítil mynd og myndin er hluti af hugsun sem þú átt með þeim sem skrifaði hana verður nafn þitt sett í pott og sigurvegarinn fær túnfíflavönd strax og vorar).”

Eiríkur Örn Norðdahl

Nánar um Ragnhildi hér.

Nám.

Listaháskóli Íslands, myndlistardeild B.A. 2010

Myndlistaskólinn í Reykjavík 2006-2007

Fjölbraut í Garðabæ listnámsbraut, 2006

Einkasýningar

Ljóð á kostnað höfundar, einkasýning í Gallerí Crymo, 4.-14. Mars 2011

Orðun, einkasýning í Gallerí Crymo maí 2010

Konur 30 og brasilískt, einkasýning Gallerí Crymo september 2009.

Samsýningar

Samsýning í 002 gallerí ásamt Heklu Dögg Jónsdóttur og Ingvari Högna Ragnarssyni, nóvember 2010

Æringur, samsýning í Salthúsinu á Stöðvarfirði, júlí 2010

Hand Traffic in The Box. Samsýning í menningarmiðstöð austurlands, Skaftfell 6. mars – 2. maí 2010.

Call him NÝR, samsýning og útgáfa ljóðabókar í Gallerí Crymo, desember 2009

Er þetta ekki bara helvíti fínt? Samsýning í Gallerí Kaffistofu desember 2009

Skyssa samsýning í kaffistofu mars 2009.

Kopar, salur íslenska Grafíkfélagsins, mars 2008, málmgrafík.

Samsýning í Gallerí Tukt, mars 2007. Ljósmyndir.

Gjörningar

Upplestur/gjörningur í samstarfi við breska skáldið Iain Sinclair, Rich Mix Art Center London, nóvember 2010.

Upplestur/gjörningur: 3am magazine reading, Íslenska sendiráðið í London, nóvember 2010.

SemSé – fjöldaupplestur á myndljóðum í Listasafni Einars Jónssonar, menningarnótt 2010.

Taktu mig Bellmer. Gjörningur flutur á kvöldi Sultan Eldmóður þann 9. febrúar 2010

Ljóð í bók út í smók. Gjörningur í bókabúð Útúrdúrs 22. desember 2009

Hljóðungur – Fluttur í The Lost Horse Gallery föstudaginn 7. september á Sequences – The Comodin Silverhammar Curates.

Gjörningur án titils á open mic, gjörningakvöld í Nýlistasafninu desember 2008.

Vesen, gjörningakvöld í Nýlistasafninu mars 2009

Grand/i/a, verk unnið í samvinnu við Selmu Hreggviðsdóttur og Þórgunni Oddsdóttur. Gjörningur/event fluttur af Ragnhildi þann 25. Apríl 2008 í gamalli verbúð að grandagarði 53

Útgáfa:

Myndljóðabókin SemSé, gefin út í 100 númeruðum eintökum, 44 blaðsíður í lit.

Bókverkið Konur 30 og brasilískt, djúpþrykkt í 15 númeruðum eintökum.

Verkið SemSé notað til myndskreytingar á umsókn bókmenntaborgarinnar, Reykjavík UNESCO City of Literature.

Meðlimur í  Gallerí Crymo, The Weird Girls Project og Nýlókórnum, hljóðljóðakórnum.

Situr í ritsjórn og er einn stofenda Endemi tímarits um samtímalistir íslenskra kvenna.

Menntun

2008-2009   Listaháskóli Íslands (kennaranám)

2004-2007   Listaháskóli Íslands (BA)

2003-2004   Myndlistaskólinn í Reykjavík (fornám)

2002-2003   Fjölbrautaskólinn í Breiðholti

2000-2002   Norges Toppidrettsgymnas (stúdent)

1998-2000   Menntaskólinn í Kópavogi

Einkasýningar

2010   Úr mynd – Gallerí Crymo – Reykjavík

2008   Innvols  – Listasalur Mosfellsbæjar

2008   Klikk í Klipp – Start Art, Laugavegi 12b

2008   Flæði utan vegar – Rauðhetta og Úlfurinn

2005   Án titils – Úr að ofan,  Laugavegi 30a

2004   Á milli tveggja heima - Gallerí Tukt

Samsýningar

2010    Supermarket – Stockholm, Svíþjóð

2009   Flown in – Little Rock, Arkensas, USA

2009   Aquarell – Gallery CHUBB – Reykjavík

2009   Brotabrot - Gallery Crymogæa – Laugarvegur 41a, Reykjavík

2009   Útmörk -  Listasalur Ráðhúss Siglufjarðar

2009   Lífsmörk – í gömlu bókaverzlun Seyðisfjarðar

2009   Minjar – Náttúrufræðistofa Kópavogs

2009  Flökkukindur – Laugavegi 40, 42, 84 og 33, Reykjavík

2009   Innra Rými – Listasalur Iðu-hússins – Lækjargötu 2a

2008   Grand opening – The Lost Horse Gallery

2008   Blaðberinn Ber í Bókaverzlun Seyðisfjarðar – Seyðisfjörður

2008  Í grænni lautu – salur íslenskrar grafíkur

2008   Díónýsía – Svarfaðardalur/Dalvík

2007   Brakarí - Seyðisfjörður

2007   Díónýsía – Hafnir

2007   Ústkriftarsýning Listaháskóla Íslands, Jarðhúsin í Ártúnsbrekku

2007   El Grillo – Skaftfell, Seyðisfjörður

2006   Verbal and nonverbal representation, Malmö Konsthögskolan

2006   Crosskick, Hot spo(r)t - Springhornhof, Þýskaland

2006   Borgarlandslag – Gallerí Kubbur, Listaháskóli Íslands

2006   Mini me - Gallerí Gyllinhæð

2005   Brotakennd tilvist - Gallerí Gyllinhæð

2005   HUR1102M – Gallerí Kubbur – Listaháskóli Íslands

2005   Garnival – Þórsgata 6

2004   Án titils – Náttúrugripasafn Íslands

2003   Án titils –  Fornám Myndlistaskóla Reykjavíkur – Safnið, Borgarnesi

Sýningarstjórn og önnur verkefni

2010   Hrókering – Nýlistasafnið – uppsetning á safneign ásamnt sex öðrum listamönnum.

2010    Sarínó Sirkusinn – Borgarleikhúsið – List án landamæra – Hönnun sviðsmyndar og leikmuna

2009   Plötucover – Surprise – Lára Rúnardóttir

2009   Lífsmörk – í gömlu bókaverzlun Seyðisfjarðar

2008   Flikur – Ljósmyndasamsýning, Ráðhús Reykjavíkur

2008   Blaðberinn Ber í Bókaverzlun Seyðisfjarðar – Seyðisfjörður

2008   Díónýsía – Svarfaðardalur/Dalvík

2006   Plötucover – Þögn – Lára Rúnarsdóttir

Um grafíkverk Guðrúnar Kristjánsdóttur í Gallerí Ágúst

Texti: Björn Vignir Sigurpálsson

Í Gallerí Ágúst hefur nú verið sett upp sýning á grafíkverkum Guðrúnar Kristjánsdóttur. Að baki er viðburðaríkt ár hjá Guðrúnu með tveimur sýningum í Kína, annars vegar í Sjanghæ í tengslum við heimssýninguna þar og hins vegar í Peking, auk sýningar í New York s.l. sumar. Framundan er sýning hjá virtu galleríi í London í apríl og boð um að koma á ný til Peking, nú til að vinna útilistaverk. En hér er það sem sagt sýning á grafíkverkum:

-Þú ert á eitthvað á öðrum slóðum en venjulega á þessari sýningu?

Þessi sýning er hugmynd Sigrúnar í Gallerí Ágúst. Hún dregur þarna fram nokkur sýni af hinu og þessu sem ég hef unnið í grafík í gegnum tíðina.  Sumt er unnið í tengslum við önnur verk eða aðra miðla en öll eiga þau það sammerkt að vera unnin í þrykk eða prentmiðil. Mér fannst þetta skemmtilegur vinkill hjá Sigrúnu, þó ég hafi aldrei hugsað þessi verk sem heila sýningu.

-Hvert sækirðu þessi verk?

Ég vinn oft verk sem hluta af heild og velti fyrir mér mörkunum milli stóru myndarinnar og þeirrar litlu. Svo fjölfalda ég stundum þessa hluta af heildinni í prenti eða þrykki og reyni að setja þá í nýtt samhengi. Ég hef unnið með alls konar tækni í ólíka miðla– ljósmyndir, vídeó, olíumálverk og fleira en ég er enginn prentari, á engar græjur til þess að prenta þó ég væri í grafík í nokkra mánuði meðan ég var að læra í Frakklandi; fannst þessi tækni spennandi og hugsaði mér gott til glóðarinnar síðar meir. En svo gerðist það fyrir nokkrum árum, að mér bauðst að vinna með miklum snillingi á þessu sviði, manni sem heitir Kip Gresham og rekur grafíkverkstæði í Cambridge á Englandi. Hann eða einhver í stjórn þess fyrirtækis hafði séð málverk eftir mig, og í kjölfarið var mér boðið að koma og vinna með þeim á verkstæðinu. Ég var þar í tæpa viku og afraksturinn af því var sería sem ég kalla Veðurfar. Við gerðum þarna tilraunir í heila fimm daga, og á sjötta degi kom loksins eitthvað sem ég var sátt við. Þá vorum við komin útí tilraunamennsku sem endaði á því að við notuðum blý til að þrykkja með, eða öllu heldur blýduft sem er sett út í kvoðu og þá fannst mér nást áþekk áferð og er á söndunum okkar heima. Í sól glitra þeir en í annars kona birtu eru þeir gráir og hlutlausir. Blýið er breytilegt. Ég hafði áður unnið með þessa sömu veðurmynd í önnur efni, bæði í vídeói og málverki og gert tilraunir með að ná fram hreyfingu í efninu og það var gaman að finna nýtt kvikt efni.

Annar grafíker sem ég hef unnið með er Ríkharður Valtingojer sem rekur grafíkverkstæði á Stöðvarfirði og listamenn geta komið til hans og unnið í einhvern tíma. Rikki kann allt, maður hoppar bara í kringum hann og þykist vita hvað maður vill, en hann vinnur verkið því það þarf heljarmenni til að þrykkja á gömlu steinþrykkspressuna frá seinni hluta 19. aldar. Við fundum okkar leið til að tengja saman digital ljósmyndasýni og þessa gömlu steinþrykks aðferð.  Þetta er eitthvað sem allir grafíkerar þekkja og kunna, en ég nálgast þetta eins og sá sem ekkert veit. Ég bara veit svona nokkurn veginn hvaða útkomu ég vil fá og þá skiptir öllu máli að hafa færan einstakling að vinna með sér. Hér eru nokkur sýni úr þeirri samvinnu auk seríu sem ég kalla Natura.

Þriðji grafíklistamaðurinn sem ég hef unnið með er Jóhann Torfason. Hann þrykkti fyrir mig seríuna Snowprints fyrir sýninguna Imprints í New York s.l. sumar. Þar málaði ég hlíðar Esjunnar í bláu og hvítu á 18 m2 vegg. Þetta er Esjan þegar byrjað er að vora og í vissri birtu verður til einhverskonar fjarlægðarblámi. – í hláku verða formin öll mjúk og sullast svona um einhvern veginn. Ég tek renning eða sýnishorn úr því verki og sýni hér. Úr veggverkinu er svo tekið annað sýni, og unnið í silkiþrykk. Við unnum seríuna Snowprint svolítið einsog þegar ég mála, þ.e.a.s. með gegnsæjum lit.

Prenttæknin er líka heill heimur útaf fyrir sig. Þar á ég líka góðan samstarfsmann að sem er Heimir Baldursson sem alltaf er til í tilraunamennsku. Hann hefur líka unnið með mér að ýmsum innsetningum nú síðast í Peking í haust. Við höfum verið að þekja heilu veggina og gluggana með prentverkum sem eiga uppruna sinn í málverkum mínum og vídeóum.

- Þú hefur lengi verið upptekin af veðrinu, veðrabrigðum, og ummyndunum eða litbrigðum í náttúrunni, gjarnan af völdum veðurs. Hvað er það sem heillar þig?

Ég veit ekki hvað það er, þetta fyrirbæri hefur alltaf heillað mig, alveg frá því að ég var barn. Hvernig snjórinn breytist frá degi til dags, og hvernig birtan breytir öllu. Um tíma var ég mjög mikið að hugsa um ljósaskiptin, upptekin af því hvernig allt breytist þá, birtan og skuggarnir. Svo fór ég að skoða hvernig þokan dró fram eitthvað í fjallshlíðunum sem maður hefði ekki komið auga á nema vegna þessa að þokan hafði laumast inn. Af þessu varð ég mjög upptekin meðan ég var fyrir austan um tíma. En ég hef haldið mig núna nokkuð lengi við það sem mér finnst svo sérstakt fyrir þetta land, verðurskriftina eins og ég kalla það, táknin sem veðrið skilur eftir sig í landinu.

www.gudrun.is

4 stjörnur í Morgunblaðinu

Nám

2006-2008            Glasgow School of Art, Fine Arts mfa.

2001-2004            Listaháskóli Íslands, myndlistardeild, BA

Einkasýningar

2011 Roots, SWG3, Glasgow

2008 Neither a bird nor a fish, SGW3, Glasgow

2006 Blobby, Skaftfell, Seyðisfjörður

2005 Áttund, Gallerí Bananananas

2003 Ódýr málverk, Gallerí Nema hvað

2002 Málverk fyrir börn, Gallerí Nema hvað

Valdar samsýningar

2009 Die Die Die, Transmission, Glasgow

2008 And so it goes, Artnews projects, Berlin

2008 Degreeshow, Tramway, Glasgow

2008 Royal Scottish Academy, Student Exhibition, Edinborg

2007 Weirding and the Uncanny, Newbery gallery, Glasgow

2007 Nói át, No way out, Nýlistasafnið, Reykjavík

2007 And the He Likes the Me, Transmission gallery, Glasgow

2007 Interim show, Machintosh building, Glasgow

2006 Likimain, Jetty Barracks Gallery (Galleri Rantakasarmi), Helsinki

2006 Foroyjapro, Gjagv, Færeyjar

2006  Ground One, Quartair Contemporary Art Initiatives, Haag

2006 Nuevo Estocolmo, Luna Culture House, Södertalje, Svíþjóð

2005 Berliner Liste, Berlín

2005 Purgatory, Nýlistasafnið

2005 Málverkið, Reykjavíkurakademían

2004 The Father, Gallery Boreas, New York

2004 Norður og niður, Norræna húsið

2004 Útskriftarsýning Listaháskóla Íslands, Listasafn Reykjavíkur

2004 Tvíæringur Lortsins, Klink & Bank

2004 Lo-fi, Klink & Bank

2004 Signal from the heavens, Torstrasse 111, Berlín

2004 Í  kolli mínum geymi ég gullið, Klink & Bank

2003 Electric Visions, rússnesk og skandinavísk ferðasýning á myndbandalist

2003 Becoming Space, gjörningur á ráðstefnu

Nýlistasafnsins og Reykjavíkurakademíunnar

2003 Uppnám, Listasafn Einars Jónsssonar

2003 Fame, I wanna live forever, Gallerí Hlemmur

2002 Fórn eða fífldirfska, Reykjavíkurakademían

2002 Fall Íkarusar, Gallerí Sævars Karls

2002 Pottþétt list, Gallerí Nema hvað

Styrkir

2008 Listasjóður Dungals

2007 Listasjóður Margrétar Björgúlfs

2006 Sir Harry Barnes Scholarship

2006 Listajóður Guðmundu Andrésdóttur

2006 3x Nfca ferðastyrkir

2004 Nordisk culturefund

Til þess að fylgjast vel með og missa alls ekki af neinu er best að vera á póstlista gallerísins. Sendu okkur póst á netfangið art@galleriagust.is og við skráum þig á póstlistann.

6. nóvember – 23. desember, 2010

Davíð Örn Halldórsson opnaði einkasýningu sína, FAUNALITIR, laugardaginn 6. nóvember  í Gallerí Ágúst. Davíð Örn hefur áður sýnt í galleríinu, í byrjun árs 2008 með sýningunni Absalút gamall kastale. Sú sýning sló í gegn og fékk gríðarlega mikla athygli.

Davíð Örn Halldórsson útskrifaðist frá myndlistardeild Listaháskóla Íslands árið 2002. Hann hefur haldið fjölda sýninga og á að baki stuttan en óvenju kröftugan feril. Á meðal sýninga má nefna; Væmin natúr og dreki í 101 projects 2009, Absalút gamall kastale í Gallerí Ágúst í Reykjavík 2008, QuadroPop í Safni,  Sjáðu alla grænu fokkana í Banananas Gallerí í Reykjavík og samsýningarnar; The Saga Spirit Alive í Trygve Lie Gallery í New York 2007, Hérna í Hangart-7 í Salzburg 2007, Nói át- No way out í Nýlistasafninu í Reykjavík  2007, Pakkhús Postulanna í Listasafni Reykjavíkur; Hafnarhúsi 2006, Grasrót í Nýlistasafninu í Reykjavík 2005, og í Dalsåsen í Noregi 2004, þar sem Davíð Örn dvaldi í gestavinnustofu fyrir listamenn. Af öðrum verkefnum má nefna að Davíð hefur kennt í Myndlistaskóla Reykjavíkur, á barna og unglingastigi, verið ráðgjafi fyrir útskriftarnema í Listaháskóla Íslands og verðið með opnar vinnustofur á vegum Listasafns Reykjavíkur og Félags framhaldsskólanna. Davíð hannaði plötuumslög fyrir hljómsveitina Múm, bæði smáskífu og breiðskífu, sem komu út sumarið 2009. Auk þess hannaði hann umslag fyrir hljómsveitina Hjálma sem kom út fyrir jól sama ár. Báðar hljómsveitir notuðu einnig myndskreytingar eftir Davíð fyrir ýmsan söluvarning, s.s. veggspjöld og boli. Þá hannaði hann bol fyrir hljómsveitina Hjaltalín þar sem hann endurgerði listaverk eftir Eggert Pétursson fyrir plötuumslag sömu hljómsveitar. Á árinu 2009 kom út bókin Ofhlæði/Overhload sem fjallar um myndlist Davíðs. Í bókinni eru myndir af verkum og viðtal sem Markús Þór Andrésson tók við listamanninn auk texta eftir rithöfundinn Sjón. Bókin var gefin út af bókaútgáfunni Ókeibæ, á íslensku og ensku. Davíð Örn Halldórsson hefur vakið athygli fyrir málverk sem einkennast af kraftmikilli notkun lita og spennandi samruna forma og frásagnarkennds fantasíuheims. Hann hefur unnið bæði málverk og rýmisverk sem hafa sterka skýrskotun til graffítíverka en falla á einstæða hátt að myndlistarhefðinni um leið og þau vísa sterkt í götulistina. Davíð Örn notar fundið efni; málar með skipalakki, spreyjar með úðabrúsalakki og teiknar með tússi á fundnar tréplötur, pappa eða beint á veggi, auk þess að nota litrík límbönd og efnisbúta.

21. ágúst – 9. október, 2010

Laugardaginn 21. ágúst opnaði Marta María Jónsdóttir einkasýningu á nýjum verkum í Gallerí Ágúst. Hún hefur undanfarið vakið athygli fyrir abstrakt málverk sín, sem hún vinnur bæði á striga og á pappír. Marta María nam myndlist við Myndlista- og Handíðaskóla Íslands og útskrifaðist árið 1998 úr málaradeild. Hún útskrifaðast með MA í myndlist frá Goldsmiths College í London árið 2000. Í London nam Marta einnig hreyfimyndagerð og hefur fengist við gerð ýmiskonar myndbandsverka bæði á myndlistar- og tónlistarsviði hér heima sem erlendis. Hún hefur einnig unnið að myndskreytingu bóka og geisladiska. Marta hefur sýnt verk sín víða á Íslandi svo sem í Gallerí Ágúst, Listasafninu á Akureyri og í Slunkaríki, en nýlega sýndi hún í Kling og Bang og í byrjun ársins var hún með einkasýningu í Listasal Mosfellsbæjar þar sem hún sýndi málverk og teikningar. Marta hefur einnig tekið þátt í sýningum í Þýskalandi, Bandaríkjunum, Englandi og Hollandi.

Sum augu sitja á skrýtnum stöðum

Sum augu sitja á skrýtnum stöðum, stendur í lúnu riti úr Alfræðasafni AB frá 7. áratugnum, það er dásamleg

lína sem getur þýtt ýmislegt. Hún getur átt við fiska með augu á kjömmum, sædýr sem sjá í allar áttir samtímis,

kuðung með augu á fálmurum, stóreyga draugapa … En kannski á hún allt eins við fólk sem gýtur hornauga, hefur

augu í hnakkanum, augun á stilkum, svo er það skjálgurinn, fjörfiskurinn, augun hjá sér, auga í pung –

einmitt, augu eru víða á skrýtnum stöðum og búa til glæpsamlega ný sjónarhorn. Eða, er sjónin kannski alltaf lituð?

Sama hvert maður vindur sér. Aldrei eins hjá tveimur mannverum, þótt þær standi á sama stað? Er litur ljós eða vissa?

Hvað er litur? Litur hjá Mörtu er lífsnauðsyn, hann staflast upp og skiptir um stefnu og sólirnar kvikna og hornin

gleikka og skerpast. Blásúrrandi sprengingar og einfaldar útgönguleiðir, efni í kjóla, efni úr minningum –

í lúna fræðiritinu Ljós og sjón er m.a.s. litmynd af bakhlið augans sem gæti vel verið vatnslitamynd eftir höfund

þessarar sýningar. Litur breytir lífi. Hann birtir dýrðina á ásýnd hlutanna eða leyfir okkur að sjá kjarna þeirra,

allt eftir því hvernig augnlokin sveigjast, eftir því hvað við heimtum. Litur er ljós sem ferðast í gegnum efni

með mismikilli fyrirstöðu, segir í alfræðiheftinu frá 1967, en það er úreld ágiskun

– hann er víðtæk leit að jafnvægi.

Sigurbjörg Þrastardóttir

Málverk hennar hafa vakið athygli fyrir frumleika og þroskaða nálgun. Hún segir sjálf að málverk hennar séu samsett, lagskipt og tákni hvert sinn heim. Línur og form tengist og hangi á bláþræði. Það þurfi einungis veikan gust til að allt springi í loft upp.

Marta M. Jónsdóttir – Marta María Jónsdóttir

Ferilskrá

http://www.unnarorn.net/

Um sérstakt framlag Íslands og íslensks samfélags til sögu ófullkomleikans

Ferilskrá

http://www.ingunnfjola.net/

PAINTING SITE / Ingunn Fjóla Ingþórsdóttir

HUGHRIF / IMPRESSION

http://einar_garibaldi.lhi.is

Ferilskrá

Einar Garibaldi Eiríksson: Grand Tour / 1998 – 2010

http://www.magnea.net/

Á ferð

www.asdissifgunnarsdottir.com

Ferilskrá

Víma / Intoxication

http://this.is/endless/

Teikningar & skissur / Drawings & Sketches

Málverkasýning

AUGNLOKIN SVIGNA

Menntun

1997-2001 AKI, Akademie voor beeldende kunst, Enschede, Holland.

Útskrifaðist frá gemengde media (fjöltækni) deild með HBO gráðu (hoger beroepsonderwijs), HBO gráða er samsvarandi við BA.  Í fjöltæknideild er frjálst að vinna í hvaða miðli sem er, ég einbeitti mér að kvikmyndun, málun og ljósmyndun.

Kennsla

2006-2011

Listaháskóli Íslands

Kennari á námskeiðinum; Ópraktísk kvikmyndagerð og Hreyfimyndagerð.

2010

Kvikmyndasýningar við tónlist Jóhanns Jóhannssonar:

Hallgrímskirkja, RIFF

Brussels electronic music festival, Bozar center for fine arts, Belgíu.

Tónleikaferð til Hasselt, Turnhout, Roselare, Mechelen, Belgíu.

Nasa, kvikmyndasýning við útgáfutónleika Apparat organ quartet.

Málverkasýningar:

Listasafn Reykjavíkur, D-17 Ég er ekki safnhaugur ég er ánamaðkur.

Sím húsið, Listamaður mánaðarins.

2009

Málverkasýningar:

Gallerí Havarí, samsýning.

Gallerí Ágúst, samsýning.

Sýningar við tónlist Jóhanns Jóhannssonar:

Cortile del Castello Estense Ferrara, Ítalía.

Durham brassfestival, Englandi.

Tónlistarhátíðin Réttir.

Brugge, Belgíu.

2008

Málverkasýningar:

Listadagar Skagaströnd.

Saltfélagið- Yfirdráp.

Sýningar við tónlist Jóhanns Jóhannssonar:

Copenhagen Dox, tónleikar í konunglega listasafni Danmerkur (Statens kunst museum).

Church of Simon and Judah, Prag.

Vooruit, Ghent.

Mito festival, Milanó, Ítalía.

Faster than sound, Suffolk, Englandi.

NOW – núna Winnipeg, Kanada.

Salamanca og Sevilla, Spánn.

Iceland on the edge, Brussel.

Sýningar við tónlist Kiru Kiru (Kristín Björk Kristjánsdóttir):

Shanghai, Tokyo og Helsinki.

Iceland on the edge í Brussel.

Vooruit,Ghent, Belgíu.

Guidelines, 4ad, London

Myndband við tónlist Jóhanns Jóhannssonar. af plötunni: Fordlandia, gefið út af tónlistarútgáfunni.

2007

Sýningar við tónlist Jóhanns Jóhannssonar:

Miraikan, Tokyo, Japan. Framtíðartæknisafni Tokyo. Tónleikarnir voru hluti af: Tokyo summer festival. Vann náið með Japönsku listakonunni: Fujiko Nakaya.

Södra Teater, Stokkhólmi, kvikmyndir við tónlist Jóhanns Jóhannssonar.

Hasselt, Belgíu.

La Casa Encendida, Madríd, Spánn.

Box project. Improviseraði kvikmyndir á  spunatónleikum á Gauki á stöng. Fram komu þekktir tónlistarmenn víðsvegar úr heiminum. Hugmyndin var að setja saman menn sem aldrei höfðu unnið saman áður, senda þá í tónleikaferð saman án þess að fá nokkra æfingu. Pródúserað af Inkling film, Danmörku, júní 2007.

Pixel ACHE (audio visual festival), Kiasma Helsinki, Sýningar við tónlist Kiru Kiru (Kristín Björk Kristjánsdóttir).

Egilsstaðir, Hreindýraland 700IS.

CCA, Centre for Contemporary Arts, Glasgow, Video killed the Painting Star. Vídeo innstilling.

4ad í London, tónlistarmyndband við tónlist Jóhanns Jóhannssonar, IBM I processing unit.

2006

Málverkasýningar:

12 Tónar

Landslög, Gallerí Fold.

Kvikmyndasýningar:

Kitchen motors/cmn tour, Bretland Belgía

Kvikmyndasýningar á sex tónleikum í Bretlandi og tveimur í Belgíu við tónlist Jóhanns Jóhannsonar, Skúla Sverrissonar og Kiru Kiru (Kristín Björk Kristjánsdóttir).

The Cold Hearts, Touring Packages

Heimsreisa með myndbandið Clobal Capital, 2006 – 2007.

Kvikmyndasýningar við tónlist Apparat Organ Quartets:

Stúdentakjallarinn.

Reykjavík trópic festival.

Iceland Airwaves, Hafnarhúsið.

2005

Island bilder festival Köln, Þýskaland.

Málverkasýning og Kvikmyndasýning við tónlist Apparat Organ Quartet

Takkar, sýning Tilraunaeldhússins, Nýlistasafnið.

Sýnendur voru Helgi Þórsson, Magnús Helgason, Auxpan (Elvar Már Kjartansson), Borko (Björn Kristjánsson), Trabant og DJ Musician (Pétur Eyvindsson).

Creating clouds, r2, Reykjavík to Rotterdam.

Kvikmyndasýning við tónlist Kiru Kiru (Kristín Björk Kristjánsdóttir)

Urban festival, Zagreb, Króatía.

FORGOTTEN YESTERDAYS, innsetning með súper 8 kvikmyndasýningu.

Global capital, Apparat Organ Quartet

Leikstjórn, kvikmyndataka og framleiðsla á myndbandi við lagið Global capital. Myndbandið var unnið með stopp-motion tækni (animation).

2004

Etoiles Polaires, Voorouit, Ghent, Belgía.

Listahátíðin, Etoiles Polaires, een Vooruit geluid festival. (Blik Pólstjörnunnar). Í sýningunni tóku þátt listamenn frá norðurheimskautinu, meðal annars; Íslandi, Grænlandi, Alaska og Samalandi. Ég var með skúlptúra og málverk á myndlistarsýningu og „visjúala“á tónleikum hljómsveitarinnar Apparat Organ Quartet.

Helstu sýningar og verkefni frá árunum 2001 til 2004:

Pompidou centre París.  Var með „visjúala“ á tónleikum hljómsveitarinnar Apparat Organ Quartet, 2003.

Nordisk Panorama, nokkrar stuttar kvikmyndir sem sýndar voru á opnun hátíðinnar og sem kynningarefni fyrir hátíðina, 2004.

Gargandi snilld. Gerði „animations“ fyrir myndina. Heimildarmynd um tónlist á Íslandi.  Leikstjóri Ari Alexander, framleiðandi Sigurjón Sighvatsson.

Auglýsingar fyrir auglýsingastofuna Nonna og Manna vegna auglýsingu Lengjunnar.  Bjó til karakterinn ,,Lengjukarlinn“ sem var í auglýsingum í tengslum við handbolta, fótbolta og körfubolta, 2000.

Myndband fyrir hljómsveitina Trabant við lagið: Enter Spacebar Desember 2001-Janúar 2002, af geisladisknum Moment of Truth sem kom út 2002.

200.000 naglbítar, myndband fyrir hljómsveitina við lagið Lítill fugl af geisladisknum Vögguvísur fyrir skuggasvein, sem kom út árið 2000.  Myndbandið var tilnefnt til Tónlistarverðlauna fólksins í flokknum besta myndbandið 2000, 2000.

Málverkasýning, 2009

Vefsíða Katrínar Elvarsdóttur

Equivocal the Sequel / Listahátíð í Reykjavík 2010

Margsaga 2008

Ferilskrá

www.gudrun.is

Sýning 2008: Myndir/Pictures

Davíð Örn Halldórsson útskrifaðist frá myndlistardeild Listaháskóla Íslands árið 2002 og býr og starfar í Reykjavík. Hann hefur haldið fjölda sýninga hérlendis sem erlendis. Á meðal sýninga má nefna; Ljóslitlífun í Listasafni Reykjavíkur 2010, Rím/Rhyme í Ásmundarsafni 2009 og Listasafninu á Akureyri 2010, Hvar er klukkan? í Hafnarborg, Væmin natúr og dreki í 101 projects 2009, Absalút gamall kastale í Gallerí Ágúst í Reykjavík 2008 og QuadroPop í Safni 2007.  Davíð Örn Halldórsson hefur vakið athygli fyrir málverk sem einkennast af kraftmikilli notkun lita og spennandi samruna forma og frásagnarkennds fantasíuheims. Hann hefur unnið bæði málverk og rýmisverk sem hafa sterka skýrskotun til graffítíverka en falla á einstæða hátt að myndlistarhefðinni um leið og þau vísa sterkt í götulistina. Davíð Örn notar fundið efni; málar með skipalakki, spreyjar með úðabrúsalakki og teiknar með tússi á fundnar tréplötur, pappa eða beint á veggi, auk þess að nota litrík límbönd og efnisbúta.

Sýningar í Gallerí Ágúst:

S M A R T  á Listahátíð í Reykjavík, 2008

SHARP by Andrea Maack, 2009.

www.andreamaack.com

3. júlí – 24. júlí 2010

Í sumar spratt upp í Gallerí Ágúst einstaklega spennandi sýning ungrar listakonu, Ingunnar Fjólu Ingþórsdóttur. Hún setti upp innsetninguna Painting Site, sem hefur áður verið sýnd í Cuxhavener Kunstverein í Þýskalandi. Verkið var flutt hingað til Íslands og gafst kostur á að njóta þess í júlímánuði í Gallerí Ágúst.

Ingunn Fjóla Ingþórsdóttir (f. 1976) útskrifaðist úr myndlistardeild Listaháskóla Íslands vorið 2007, en hafði áður lokið B.A. prófi í listasögu frá Háskólanum í Árósum. Frá útskrift hefur Ingunn Fjóla unnið markvisst að myndlist sinni og tekið þátt í fjölmörgum sýningum, bæði hérlendis og erlendis. Ingunn Fjóla hefur vakið athygli m.a. fyrir rýmistengd verk sín og skemmst er að minnast innsetningar hennar Ljósbrot sem sýnd var í Hafnarborg fyrr á þessu ári og vakti mikla athygli. Ingunn er einnig annar helmingur tvíeykisins Hugsteypunnar, sem tekur nýlega þátt í sýningunni Að þekkjast þekkinguna í Listasafni Árnesinga í Hveragerði.

Á Listahátíð í Reykjavík 2010 sýndi Katrín Elvarsdóttir ný ljósmyndaverk í Gallerí Ágúst.  Sýningin Equivocal the Sequel samanstendur af röð ljósmynda sem Katrín hefur unnið að síðastliðin 3 ár. Nýju verkin eru sjálfstætt framhald af verkum sem sýnd voru á sýningunni Equivocal í Gallerí Ágúst árið 2008, en sú sýning var tilnefnd til hinna virtu verðlauna The Deutsche Börse Photographic Prize. Á sýningunni Equivocal the Sequel gerir Katrín tilraun til að láta eigin upplifun og reynslu úr fortíð og nútíð renna saman. Fléttar hún þar saman ímynduðu umhverfi við raunveruleikann og gefur í skyn atburðarás sem höfðar ekki síður til undirmeðvitundarinnar en til vitsmuna og skynsemi. Þessi nálgun við frásögnina er undirstrikuð af nákvæmu vali á myndefni ásamt markvissri notkun á endurteknum formum og litum. Á næstu mánuðum er væntanleg vegleg bók með öllum verkunum í ljósmyndaröðinni Equivocal.

Katrín Elvarsdóttir (f.1964) er einn af fremstu samtímaljósmyndurum Íslands. Hún lauk tveggja ára ljósmyndanámi við Brevard Community College í Bandaríkjunum árið 1990 og BFA-gráðu í ljósmyndun og myndlist frá Art Institute of Boston árið 1993. Í verkum sínum nær Katrín gjarnan að framkalla dularfulla og jafnvel leikræna stemningu með hárfínni næmni við að fanga margræð augnablik. Hún hefur haldið einkasýningar á verkum sínum bæði á Íslandi, í Bandaríkjunum og Danmörku og tekið þátt í fjölmörgum samsýningum víða um heim. Nýverið lauk einkasýningu hennar í D-sal Listasafns Reykjavíkur, þar sem hún sýndi innsetninguna Hvergiland. Hún hefur hlotið ýmsar viðurkenningar fyrir list sína, s.s. tilnefningu til heiðursverðlauna Myndstefs 2007 og fyrstu verðlaun á sýningunni Camera Works í BNA 2009. Verk eftir Katrínu eru í eigu helstu safna hérlendis. Katrín Elvarsdóttir býr og starfar í Reykjavík.

Einar Garibaldi Eiríksson

13. febrúar – 27. mars, 2010

Laugardaginn 13. febrúar opnaði Einar Garibaldi einkasýningu sína Grand Tour í Gallerí Ágúst. Á sýningunni eru fundin málverk (Tableaux trouvés) sem Einar hefur safnað á götum sögufrægra borga Ítalíu á undanförnum árum, en titill sýningarinnar vísar til „Grand Tour” ferðanna er náðu hámarki sínu á 18. öldinni. Litið var á ferðirnar sem miklvægan hluta menntunar ungra norrænna heldrimanna og var ætlað að fullkomna þekkingu þeirra í tungumálum, fræðum, skáldskap og listum. Slíkar ferðir stóðu yfir mánuðum saman og lá leiðin gjarnan til Ítalíu, vöggu vestrænnar menningar. Fræg skáld og listamenn gerðu þessar lærdómsferðir ódauðlegar í verkum sínum og dagbókarfærslum en á síðasta áratug hefur Einar ferðast í fótspor hinna þekktu ferðalanga um Ítalíu, þar sem hann hefur m.a. starfað sem leiðsögumaður. Líta má á hin fundnu málverk sem dagbókarfærslur hans, með vísunum til þeirra listamanna er tóku sér þetta ferðalag á hendur í leit að skilningi á sameiginlegri arfleið okkar. Málverk Einars hafa lokið fyrra hlutverki sínu sem viðvörun til vegfaranda um að þeir séu nú að fara út á „ómálað“ svæði óþrjótandi möguleika, allt eftir því hvaða lærdóm hver og einn vill draga af gangi sögunnar.

Einar Garibaldi Eiríksson býr og starfar í Reykjavík en hann stundaði myndlistanám við Myndlista – og handíðaskóla Íslands og útskrifaðist frá Accademia di Belle Arti di Brera í Mílanó á Ítalíu árið 1991. Einar hefur haldið nánum tengslum við Ítalíu og sýnir þar reglulega. Hann hefur haldið fjölda einkasýninga og tekið þátt í samsýningum í hátt í 3 áratugi ásamt því að vera sýningarstjóri og sinna kennslu um árabil. Einar var prófessor við Listaháskóla Íslands á árunum 2000-2008. Verk hans eru í eigu helstu safna landsins ásamt fjölmörgum einkasöfnum. Einar hlaut listamannalaun árið 2009 og nýlega lauk hann tveggja mánaða dvöl við vinnustofuna Kjarvalsstofu í París.

Grand Tour í Lesbók Morgunblaðsins 14. febrúar 2010

Umfjöllun í Morgunblaðinu, Ragna Sigurðardóttir

Vefsíða Einars Garibalda

24. október – 12. desember, 2009.

Um sérstakt framlag Íslands og íslensks samfélags til sögu ófullkomleikans. Ljósmyndir frá Íslandi 1930-1945 – Safnað af Sigurði Guttormssyni (1906-1998). Á sýningunni í Gallerí Ágúst sýnir Unnar Örn ljósmyndir teknar af híbýlum Íslendinga á fyrri hluta tuttugustu aldar. Líkt

og í mörgum fyrri verka sinna leitar Unnar í rann sögunnar og varpar hér ljósi á heimildir tengdar stéttabaráttu, róttækni, heildarhyggju og hugsjónum þessa umbrotatíma. Ljósmyndunum var safnað af Sigurði Guttormssyni, bankastarfsmanni og umbótamanni frá Vestmannaeyjum. Hann ferðaðist um Ísland á árunum 1930 – 1945 og lagði sig fram um að taka myndir af húsakosti landsmanna sem hann taldi til merkis um óviðunandi lífsskilyrði alþýðufólks. Alls voru myndirnar sem Sigurður safnaði um 230 talsins en með svo stóru safni ljósmynda vildi hann sýna og sanna að í ra

un væri til stéttamismunur á Íslandi. Það var von Sigurðar að með því að gangast við þessum hluta veruleikans gæti þjóðin upprætt misrétti og jafnað kjör manna. Myndirnar, sem varðveittar eru á Þjóðskjalasafni Íslands, eru teknar á árunum um og eftir heimskreppuna miklu og veita óvenjulega og raunsæja innsýn í lífsskilyrði Íslendinga á þessum tíma.

Myndunum, er varpað af skyggnuvél á miðjuvegg gallerísins en einnig birtast þær áhorfandanum á sýningunni sem 240 blaðsíðna bókverk og má þannig skoða þ

ær sem heild útfrá staðsetningnum og athugasemdum Sigurðar. Í sýningarrýminu er einnig að finna verk sem Unnar Örn lítur á sem einskonar neðanmálsgreinar við skyggnuverkið, sem sýningin hverfist um. Þessi verk eru öll unnin upp úr prentefni og tímaritum frá árunum 1940-1970. Þeim er ætlað að gefa innsýn í annarskonar raunveruleika en sjást á ljósmyndunum, sem þó er sprottinn af sama meiði og sú hugmyndafræði sem myndasafn Sigurðar er byggt útfrá. Á þessum forsendum fá ljósmyndir Sigurðar margrætt hlutverk sem myndbrot af aðstæðum efn

aminni íslendinga en vekja jafnframt upp spurningar um brotakennda þróun byggingarlistar hérlendis, tengsl bæjarskipulags og sveitamenningar sem og sjálfsmynd þjóðar í mótun.

Unnar Örn (1974) býr og starfar í Reykjavík og Atlanta í Bandaríkjunum. Hann útskrifaðist frá Myndlista- og Handíðaskóla Íslands 1999 og lauk mastersnámi við Malmö Art Academy í Svíþjóð 2003. Unnar Örn vinnur gjarnan sýningar sínar útfrá skjölum safna og “arkífa”

og tengir þannig opinbera sögu við sitt eigið yfirgripsmikla heimildasafn sem hann hefur fangað úr ólíkum áttum. Með því leggur hann sig fram um að endurspegla birtingarmyndir ýmissa hugmyndakerfa sem lögð hafa verið til grundvallar ákvarðanna í sögunni. Unnar Örn hefur valið ýmsa miðla fyrir verk sín ekki hvað síst bókverk, auk annars prentverks, innsetninga, klippimynda og langvarandi sýningarverkefna. Bókverk Unnars Arnar er í takmörkuðu upplagi og er til sölu í Gallerí Ágúst.

22. ágúst -10. október, 2009

Í ágúst 2009 fagnaði Gallerí Ágúst 2ja ára starfsafmæli sínu en fyrsta sýningin opnaði í galleríinu 11. ágúst 2007. Til þess að marka upphaf þriðja starfsársins opnaði samsýning fimm listamanna laugardaginn 22. ágúst. Listamannahópurinn er fjölbreyttur og verkin sýna vel þá breidd og ferskleika sem einkennt hefur dagskrá gallerísins. Hér eru á ferðinni ungir sem þroskaðir myndlistarmenn af báðum kynjum og hafa fjögur þeirra sýnt áður hjá Gallerí Ágúst en nú verða sýnd í fyrsta skipti málverk eftir hinn japanska Hiroyuki Nakamura.

Sýningin samanstendur af nýjum listaverkum sem unnin eru í ýmsa miðla, svo sem málverk á striga, áli og tréplötum, ljósmynd og veggverk sem unnið er beint á vegg gallerísins. Áherslan á Haustsýningu Gallerís Ágústs er á glæný og fersk listaverk sem sýna framþróun og þrotlausa vinnu listamannanna. Það er einstök ánægja að sýna þá uppbyggingu og sköpunarkraft sem felst í verkunum á sýningunni, en mörg listaverkanna hafa verið sérstaklega gerð fyrir Haustsýninguna. Listamenn á Haustsýningu Gallerís Ágústs eru:

Guðrún Kristjánsdóttir
Hiroyuki Nakamura
Katrín Elvarsdóttir
Marta María Jónsdóttir
Steingrímur Eyfjörð

Nánari upplýsingar um hvern listmann er að finna hér á vefsíðunni undir Listamenn. Allar nánari upplýsingar um verk til sölu og eru veittar með ánægju hjá Gallerí Ágúst.

Viðtal við Sigrúnu Söndru í Morgunblaðinu 20. júlí 2009

Sýningartexti Haustsýningar

16. maí – 27. júní, 2009

Hugverk 9.3, 2009. Skúlptúr

Guðrún Gunnarsdóttir opnaði einkasýningu á verkum sínum í Gallerí Ágúst laugardaginn 16 maí, 2009.  Guðrún sýnir nýja skúlptúra en hún hefur unnið að myndlist í hátt í 30 ár og hefur sýnt víða um heim. Verk hennar eru í eigu listasafnanna og ýmissa opinberra aðila. Sýningin stendur til laugardagsins 27. júní. Allar nánari upplýsingar um verkin og söluverð fást hjá galleríinu.

Að lesa á milli línanna
Sigrún Sandra Ólafsdóttir

„Every day is a new poem with new letters that become words and end up as a piece of art that is entagled by threads, knots, cuts and enormous joy.“

Guðrún Gunnarsd. Art Textiles of the World: Scandinavia, 2005

Með þræðina í hendi sér hefur Guðrún Gunnarsdóttir þróað list sína. Hún er hvað þekktust fyrir þrívíddarteikningar sínar úr vír, sem hún mótar í höndunum, gjarnan undir áhrifum náttúrunnar. Hún segir sögu hverfandi náttúru í fínlegri flóru úr köldum vír eða kraftmiklum hnyklahnoðum sem svífa um eins og í þyngdarleysi. Hún leikur sér að þrívíddinni, rýminu á milli, hinu ósagða. Skuggum og leyndarmálum. Guðrún tekst nú á við nýjan efnivið, blandar saman náttúrulegum efnum og “ónáttúrulegum”. Hún leyfir vindasömu vori að hrífa sig með og blandar hrosshárum og trjágreinum saman við málm, plast og gúmmí. Hún virkjar þannig vangaveltur áhorfandans um samspil náttúru og tækni auk þess að vekja löngun til að þreifa á verkunum og skoða í návígi. Í hinu ósagða, þess sem lesa má á milli línanna, hvílir líka tilfinning. Tilfinning um fegurð, þess sem bara er. Án yfirborðskenndar, látleysi, bara tilfinning. Hughrif.

„When I think of art I think of beauty. Beauty is the mystery of life. It is not in the eye it is in the mind. In our minds there is awareness of beauty.“
Agnes Martin. Writings. 1991.

Sýningin í Gallerí Ágúst er haldin af tilefni þátttöku Andreu í tískutvíæringnum í Arnhem og stendur yfir í 3 vikur. Á sýningunni mun Andrea fyrst og fremst kynna hinn nýja SHARP ilm á Íslandi og verk með tilvísunum í vinnu hennar fyrir Armhem Mode Biennale og þá sérstöðu að vinna sem myndlistarmaður inni í heimi tískunnar. Andrea vinnur með hefðir tískuiðnaðarins m.a. með því að kynna verkin sín tvisvar á ári (haustlínu og vorlínu) og nota eigið nafn sem n.k. vörumerki. Sýningin samanstendur af innsetningu sem unnin er í samvinnu við innanhúsarkitektinn Ingibjörgu Agnesi Jónsdóttur og grafíska hönnuðinn Ármann Agnarsson ásamt ilminum SHARP sem unnin var í samstarfi við Apf í Frakklandi fyrir Arnhem Mode Biennale 2009.

Á sýningunni sem ber heitið Málverkasýning, gefur á að líta ný málverk þeirra Magnúsar og Mörtu Maríu ásamt teikningum Mörtu. Þó verkin séu málverk á striga, abstrakt og kröftug, eru hér á ferðinni ólíkir einstaklingar sem hleypa okkur inn í sinn hugarheim, hvort um sig. Þau hefja ferðina á hugmyndum og tilfinningum en leiðin verður ólík og ferðalokin í hverju tilfelli fyrir sig eru einstök. Útkoman er ófyrirsjáaleg.

24. janúar – 7. mars, 2009

Það er með mikilli ánægju að Gallerí Ágúst kynnir óvenjulega sýningu listamannsins Steingríms Eyfjörð á teikningum og skissum. Steingrímur hefur getið sér gott orð sem listamaður allt frá áttunda áratugnum og var fulltrúi Íslands á Feneyjartvíæringnum árið 2007 með sýninguna Lóan er komin (The Golden Plover has arrived). Þessi sýning á teikningum og skissum Steingríms er sérstök að því leyti að hún er afrakstur skipulagðrar flokkunar á efni í eigu listamannsins, sem Elín Þórhallsdóttir listfræðinemi og Sólveig Bjarnadóttir bókasafnsfræðingur sáu um. Þær flokkuðu skissur og bréf, teikningar og skjöl þar til ljóst var að gullmolarnir sem fundust voru orðnir að efni í sýningu. Hér gefst gestum kostur á að fletta í gegnum fjöldann allan af verkum frá ólíkum tímabilum á ferli Steingríms. Þetta er einstakt tækifæri til að skoða vinnuaðferðir listamannsins og eignast verk eftir einn virtasta listamann þjóðarinnar.
Annar nánari upplýsingar um verð og verk til sölu veittar í Gallerí Ágúst.

Guðrún Kristjánsdóttir

25. október – 13. desember, 2008

Myndir sem eru daglegt landslag okkar eru jafn óskiljanlegar og táknheimur annarrar menningar, sem þarfnast uppflettirita til að opinberast. Það eru engin uppflettirit um munstrið sem umlykur okkur. Umbreyting snjóformanna er svo hröð að myndirnar sem verða til leysast upp jafnóðum og bara einn punktur eftir, dimmur eða ljós, sem hopar og hlær.

Umhleypingarnar varpast inn á skynsviðið og enn ein munsturmyndin bætist í safnið, eins og skýrsla um eitthvað sem við vitum ekki hvað er en höldum samt til haga og betrumbætum, ef ske kynni að einn daginn opnaði hún einhverja sýn.

Texti: Oddný Eir Ævarsdóttir

Guðrún Kristjánsdóttir (1950) nam við Ecole des Beaux Arts í Aix-en-Provence í Frakklandi á áttunda áratugnum og hefur síðan þróað áfram aldagamla tækni málverksins sem felst í marglögum (layering). Guðrún hefur haldið fjölda einkasýninga um heim allan og hlotið margvíslegar viðurkenningar. Árið 2005 fékk hún styrk úr Pollock-Krasner sjóðnum fyrir tilraunir sínar á sviði málaralistar. Guðrún hefur stundað rannsóknir á málverkinu og möguleikum þess til að miðla birtu og veðrabrigðum náttúrunnar. Á síðustu árum hefur hún í auknum mæli unnið með prentverk, veggfóður og klippimyndir á glugga, auk þess að gera tilraunir til að yfirfæra málaralistina yfir á myndbandsmiðilinn. Málverk hennar hafa líka orðið fyrir áhrifum af kvikmyndunum, í viðleitni við umhleypingar, ör birtuskil og veðrabrigði. Þá er sem hún máli með kvikmyndatökuvélinni og málverkin verði svo aftur rammar úr kvikmynd. Vinnuferlið er hvort tveggja nákvæmt og lífrænt þar sem farið er á milli ólíkra fasa í landinu, ólíkra sjónarhorna, skynjana og myndmiðla.

www.gudrun.is

Katrín Elvarsdóttir

16. ágúst – 11. október, 2008

“Við erum stödd innandyra og horfum út. Við erum stödd utandyra og horfum inn. Kona í rauðri kápu, hjólhýsi eftir miðnætti, gul gluggatjöld – allt eru þetta vísbendingar í brotakenndri frásögn sem vekja upp spurningar frekar en að gefa svör. Í myndaröðinni Margsaga verðum við vitni að óljósum atburðum sem við höfum óvart ratað inní. Eins og óboðnir gestir í sviðsmynd sem neitar að uppljóstra hvort hún sé raunveruleg eða skálduð. Brotin raðast saman og þröngva upp á okkur margræðri atburðarrás. Hvort sem okkur líkar betur eða verr.”
Katrín Elvarsdóttir

Katrín Elvarsdóttir (1964) útskrifaðist með BFA gráðu frá Art Institute of Boston árið 1993 og hefur síðan tekið þátt í fjölda samsýninga og haldið einkasýningar í Bandaríkjunum, Rússlandi, Frakklandi og víðar. Ljósmyndabók hennar Mórar-nærvídd, unnin með tónlistarmanninum Matthíasi Hemstock, kom út hjá 12 Tónum 2005. Í bókinni sameinast draumkenndar ljósmyndir Katrínar af íslensku umhverfi og draugalegar hljóðmyndir Matthíasar. Árið 2007 hélt Katrín tvær einkasýningar á Íslandi, ,,Af þessum heimi”, í Listasafni ASí, og ,,Sporlaust” í Þjóðminjasafni Íslands. Verk Katrínar eru m.a. í eigu Listasafns Reykjavíkur, Þjóðminjasafns Íslands, Listasafns Akureyrar og Ljósmyndasafns Reykjavíkur. Katrín er jafnframt þátttakandi í samsýningunni ,,Endurkast/Reflection – íslensk samtímaljósmyndun” sem nú stendur yfir í Þjóðminjasafninu og nýlega kom út samnefnd bók með verkum frá sýningunni og viðtölum við listamennina. Katrín hefur hlotið fjölda viðurkenninga fyrir ljósmyndir sínar; 2007 var hún tilnefnd til Heiðursverðlauna Myndstefs.

Allar nánari upplýsingar um verk til sölu og verð eru veittar með ánægju hjá Gallerí Ágúst.

Intoxication 4, 2008

Sara Björnsdóttir

1. mars – 19. apríl, 2008

Hinn 3. mars 2008 opnaði Sara Björnsdóttir einkasýningu sína Víma. Á sýningunni sýndi hún nýjar ljósmyndir og myndbandsverk sem fjalla á heillandi máta um vímuna. Verkin voru áður til sýnis í Gallery Crystal Ball í Berlín og myndbandið, Salem lights var fyrst sýnt á Sequences listahátíðinni í Reykjavík s.l. haust. Fegurðin í andanum og margbreytilegar hliðar flöskunnar fá að njóta sín í höndum Söru.

Davíð Örn Halldórsson

12. janúar – 23. febrúar, 2008

Gallerí Ágúst fagnaði árinu 2008 með ævintýralegri málverkasýningu Davíðs Arnar Halldórssonar. Davíð Örn er þekktur fyrir að nota djarfa liti og óhefðbundin efni í verk sín svo sem bílalakk, olíupastel og úðabrúsalakk til þess að ná fram sterkum frásagnaráhrifum. Hann málar gjarnan á fundið efni, oftast viðarplötur en einnig vinnur hann beint á veggi og vann m.a. stóra veggmynd beint á veggi gallerísins á þessari sýningu.

Árið 2007 gerði Davíð Örn Halldórsson víðreist. Hann var í hópi íslenskra listmálara sem voru valdir til að sýna á HangArt-7 sýningunni í Salzburg í haust þar sem verk hans vöktu mikla athygli. Hann sýndi einnig í New York og Reykjavík en í Moskvu var sett upp geysistórt veggverk utan á blokk eftir málverki hans á Rozamira listahátíðinni í Rússlandi.

Fimmtudaginn 20. desember varMagnea Ásmundsdóttir með listamannaspjall kl. 20:15 í Galleríi Ágústi. Opið verður til 22:00 og boðið upp á tónlist og veitingar. Allir velkomnir.

ENGLISH:

Magnea Asmundsdottir opened her solo exhibition Á ferð in Gallerí Ágúst the 17th of November. Magnea uses various media, such as photographs, video and other to create a story, voyage, circle, context, a whole.

Að útskýra ferðalag fyrir dánum fugli

Á ferð – Magnea Ásmundsdóttir

ENGLISH:

Gallerí Ágúst participates in Sequences Art Festival, (www.sequences.is) with a program of video art. One video will be on view during each day.

Dagskrá: / Program:
Saturday 13. October at 12:00-17:00
Unnur Mjöll S. Leifsdóttir, Gösta
Let me tell you the story- when I got to know the Westside-prison. That´s a famous penitentiary, in Copenhagen, not far from City council.

Wednesday 17. October at 12:00-17:00
Ólöf Helga Helgadóttir
Enormous and unpleasant room with two windows, tedious and small with one window and wooden floor, preferably located on second floor, preferably a room that is occupied, third floor no problem.

Thursday 18. October at 12:00-17:00
Guðrún Kristjánsdóttir,Inside
When water pours down the windowpane for a whole day, I do what you never allow yourself in good weather. Imagine someone arriving on a white horse and taking you to other lands.

Friday 19. October at 12:00-17:00
You zie sook, 10yearsself
I love movies because it´s a dream, fantasy and reality…

Saturday 20. October at 12:00-17:00
Hildigunnur Birgisdóttir, I: Geftirhing :I
Hringeftirhringeftirhringeftirhringeftirhringeftirhringeftirhringeftirhringeftirhringeftirhringeftirhringefti

hlutlaus. á hreyfingu

“Uppleyst eins og yfirborð gamallar silfur gelatin filmu. Myndefnið hefur tærst upp svo eftir sitja ólíkir fletir birtu og skugga, rispur og blettir. Skuggar af skuggum og yfirlýst uppleyst brot. Myndin sem eftir stendur er ekki lengur eftirmynd einhvers úr þessum heimi heldur búin til úr eigin hráa tómi.”

September 2007
Hulda Stefánsdóttir

Febrúar 2008

Hulda Stefánsdóttir fékk nýlega viðurkenningu úr Listsjóði Guðmundu S. Kristinsdóttur en það er sjóður sem myndlistarmaðurinn Erró setti á fót í minningu frænku sinnar. Sjóðnum er ætlað að efla og styrkja listsköpun kvenna. Styrkurinn er veittur árlega og er veittur listakonu sem þykir skara fram úr.

Maí 2008

Hulda Stefánsdóttir er í hópi þeirra íslensku listamanna sem sýndu í Scandinavia House í New York á sýningunni From another shore; Recent Icelandic Art. Sýninging stóð yfir frá 2. maí – 15. ágúst 2007

Hulda Stefánsdóttir CV

Úr fjölmiðlum
Prophecy 1 þann 18. ágúst 2007

Texti eftir Mariangelu Capuzzo:

Fenómena

* from phenomena/phenomenon; event, marvel, miracle, prodigy, an appearance, something that can be seen, surprising development

The inaugural exhibition at Agust Art Gallery in Reykjavik, Iceland brings together the works of two distinct contemporary artists who, in their exploration of the ordinary, encounter and create the extraordinary. Rakel Bernie and Asdis Sif Gunnarsdottir act as alchemists creating narratives of magical characters and theatrical environments thus seducing the viewer. Thematically, both artists address issues that are traditionally related with the feminine such as fragility, vulnerability and identity. However, in doing so, they playfully transform these notions into tools of empowerment.

Rakel Bernie born in Argentina and working in Miami Beach shares similar sensibilities with Kenyan feminist artist Wangechi Mutu. Both women give rise to complex personalities by employing delicate materials (watercolor, ink and collage on Mylar polyester film) to create images in which translucent beauty of color and surface is combined with hybrid body-types. Whereas Mutu’s images enter the political and grotesque, Bernie’s subjects are mysterious and attractive.

Female creatures seemingly witch-like of unknown origin, dominate the scenario in Rakel’s drawing-collages. Their feline appearances and feathery accents create a seductively threatening reality, questioning the Self and the Other.

These carefully constructed characters, taken from glossy magazines and pieced together, sometimes dressed in corset, wearing training boots and bearing knives, become the artist’s alter ego. By attempting to mask the feminine vulnerability, these attractive charmers re-emerge and thus become the fenómena.

Fragments of Japanese watercolor landscapes serve as settings to these ambiguous yet magical figures. The delicate scenery becomes their protective nests while the artist’s pictorial language becomes a metaphor alluring to the psyche’s fragile nature and uncertain equilibrium. As Rakel states, “I am constantly revising memories and exploring personal anxieties. In the series “Altered States of Flora and Fauna”, the focus is on the illusion that I can create an alternative protective space.”

In the current series “Down by the Water” presented at Agust Art Gallery, Rakel continues to create metaphors that contextualize her mental processes. Her monochromatic organic constructions emerge from soft and dangling materials which she collects from her personal surroundings and creates by the process of weaving, layering and sewing. Like in Eva Hesse’s sculptures, her abstractions often suggest natural forms and human presence in their irregular and anti-architectonic compositions.

These three dimensional “drawings” are process oriented, repetitive,
organic and alive. They develop from a simple weave to form a complex and intertwined organism. Their origins lie in the artist’s observations of nature. Like the obscure and twisted roots of the Florida mangroves, her installations seem to provide shelter and stability. Her obsession with defining her identity and creating a “safe haven” is a constant thread in her work and is manifested by creating these powerful female guardians and theatrically beautiful protective niches.

Icelandic performance based artist, Asdis Sif Gunnarsdottir much like American filmmaker and artist, David Lynch, creates beautiful and complex sets to create a physical state of mind. Her video installations and performances explore the feminine psyche with a mix of fantasy, psychodelia, humor and contemporary trash.

Her installations are an excerpt from her cinematic performances. They are filled with random items such as mirrors, ribbons, glitter and many times include projections both on the walls and floor. As she notes, “I feel that there is a constant flow between performance and video art. I often bring performance into my installations, like dress up in the same colors as the work, and just lie on the floor like a ghost while the viewers walk by.”

Like a present-day Alice in Wonderland she delves into magical characters and scenarios to transport the viewer into an unknown world of nonsensical tales where innumerable non-events come together to create a world of mystical events – fenómenas.

Her narratives are aesthetically beautiful and emotionally complex. The underlying mood of these “video poems” is captured by the vibrant reds, blues and greens reflected against the dark aura of the Icelandic winter. In “Future Crash I” a medieval like sorcerer, set against a magical landscape, somberly approaches the viewer. An eerie mindscape is set by the screams of the Arctic terns and the constant movement of the wind. As if foreseeing and conveying the inevitable, she captures the viewer instilling a daunting yet magical spell.

On ocassion, she seems to have popped up from a Japanese Manga or from the Scandinavian version of heroine multi-media goddess, Lara Croft. Asdis never drifts out of character and masterfully combines the Nordic sense of melancholia with fantasy and wit as she deals with her refusal of leaving the “girl”.

In “The Performance Call Girl”, for example, every Sunday, since January 2007, Asdis sits by the computer, ready to perform, waiting for someone to call in and request one. As she states, “To me this is a totally new exhibition space. The performances I do each Sunday are different each time and made up that day as a reflection of the mood I’m in, like a video poem. The performance is one-on-one to the audience, and usually only lasts for one or two minutes.”

Her subliminal “movie sets” mask the anxious uncertainty of “growing up”; however, the titles of her works “Future Crash”, “Don’t You want to love her”, “Youth in Control/Kingdom of You”, and “Netscape Oracles” reveal Asdis’ meticulous confrontation with her feelings of vulnerability as she faces the unavoidable reality of coming of age. At that moment, the poetic aspect of the work takes over.

In effect, both artists, although at different stages in their lives, use the “poetic”, through the characters they present in their work, to create a dialogue of themselves and their journey. Without taking a particular stance, they explore the various dimensions of the “woman’s” universe to present a complex and mystical reality.

The theatrical atmosphere with all its props and masks is the ultimate platform where the feminine Fenómena unfolds and manifests itself.

Mariangela Capuzzo, Miami Beach
Independent Curator